हाम्रो चित्रवन बचत तथा ऋण सहकारी संस्था लिमिटेडले माडी माध्यामिक विद्यालयका करिब २०० जना युवा विद्यार्थीहरुलाई वित्तीय साक्षरता तालिम प्रदान गरेको छ ।

चितवन जिल्लाका पालिकाहरुमा विद्यार्थीहरुलाई वित्तीय साक्षरता तालिम प्रदान गर्ने निति तथा कार्यक्रम अनुसार माडी नगरपालिकामा सो तालिम प्रदान गरिएको हाम्रो चित्रवन बचत तथा ऋण सहकारी संस्था लिमिटेडका अध्यक्ष तेजेन्द्रबहादुर खड्काले बताउनुभयो ।

संस्थाका प्रमुख कार्यकारी अधिकृत उमाकान्त पौडेल (उमेश) ले दिनुभएको वित्तिय साक्षरता तालिममा युवा विद्यार्थीहरुलाई नगद रहित कारोबार कसरी गर्ने, आम्दानी तथा खर्च, बचत तथा दैनिक खर्चहरु कसरी व्यवस्थित गर्ने, युवाहरुलाई बचतमा कसरी प्रेरीत गर्ने लगायतका वित्तीय क्षेत्रका महत्वपुर्ण विषयहरुमा तालिम प्रदान गरिएको थियो ।

त्यस्तै, सहकारीले समुदायस्तरमा खेल्ने भूमिका, दैनिक आर्थिक कारोबारहरु मोबाइल बैंकिङ, इ—सेवा जस्ता डिजिडल माध्यमको प्रयोगमा वृद्धि गरि वित्तीय कारोबारलाई प्रभावकारी बनाउने विषयमा समेत प्रशिक्षण दिइएको थियो ।

माडी नगरपालिकाले समेत नगरक्षेत्र भित्र वित्तिय साक्षरतालाई प्रभावकारी बनाउन रणनितीक योजना बनाइ कार्यान्वयन गर्न पहल थालेको छ । #PRD810223 #Financial_literacy