आधुनिक भरतपुर निर्माणमा मेयर रेनु दाहालको भूमिका विषयकमा खुल्ला डिजिटल वक्तित्वकला प्रतियोगिता हुने भएको छ ।
कपुरबोट मिडिया प्रा.लि. को आयोजनामा हुन लागेको उक्त प्रतियोगितामा विश्वभर छरिएर रहेका सबै उमेर समूहका व्यक्तिहरुले भाग लिन पाउने कपुरबोट मिडियाका अध्यक्ष सन्तोष देउजाले जानकारी दिनुभयो ।
प्रतियोगितामा सहभागी हुन चाहनेहरुले आजदेखि भदौ १५ गतेसम्म पठाएको भिडियो सामाग्रीलाई मान्यता दिइने छ । भिडियो कम्तीमापनि ३ मिनेटदेखि बढीमा ७ मिनेटको हुनुपर्ने देउजाको भनाइ छ ।
५० प्रतिशत भ्युज र ५० प्रतिशत निर्णायकहरुको अधिकारमा निहित हुनेगरी नतिजा प्रकाशन गरिनेछ । यसैगरी भिडियो बनाउदाका नियमहरुमा भिडियो उज्यालो ठाउँमा माइक प्रयोग गरी नहल्लाई खिचेको हुनुपर्ने, भिडियो ३ देखि ७ मिनेटको हुनुपर्ने, म्युजिकको प्रयोग गर्न नपाइने, विषयबस्तुमा तथ्यांक गलत प्रयोग गर्न नपाइने जस्ता नियमहरु राखिएको देउजाले जानकारी दिनुभयो ।
उक्त प्रतियोगितामा प्रथम पुरस्कार रु. १ लाख, द्वितिय पुरस्कार रु. ५० हजार, तृतीय पुरस्कार रु. २५ हजार र सान्त्वना पुरस्कार रु. १० हजार पुरस्कारको व्यवस्था गरिएको छ ।
भिडियो प्रतियोगिताको निर्णायकहरुमा डा. भोजराज अधिकारी, डा. विश्व सुवेदी, पत्रकार प्रकाश ज्ञवाली र शिक्षाविद् रमाकान्त सापकोटा रहनुहुनेछ ।