स्कोव ट्रेनिङ सेन्टर संस्था पश्चिम चितवनका वरिष्ठ सल्लाहकार बेलबहादुर गुरुङले शिक्षालाई व्यवस्थित र व्यवहारिक बनाउनुपर्ने बताउनुभएको छ ।
पारदर्शी अनलाइनसंग संक्षिप्त कुराकानी गर्नुहुँदै उहाँले निजी र सामुदायिक बिद्यालयबीचको द्वन्द्व तत्काल न्यूनीकरण गर्नुपर्ने बताउनुभएको हो ।
अबको शिक्षा व्यबहारिक र सैद्धान्तिक हुनुपर्ने तर्क गर्दै गुरुङले शिक्षा क्षेत्रमा देखिएको अस्वस्थ प्रतिस्पर्धाका कारण धेरै जिल्लामा एसईइको नतिजा खस्किएको बताउनुभयो ।
घरपरिवार र बिद्यालयले आफ्ना नानीबाबु र बिद्यार्थीको पठनपाठनमा ध्यान नदिदा बिद्यार्थीको नतिजा खस्किएको र अर्को कारण कोरोना कहर पश्चात् सरकारले ल्याएको फितलो पद्धति भएको गुरुङले बताउनुभएको छ ।
स्कोव ट्रेनिङ सेन्टर संस्था पश्चिम चितवनका सबै संस्थागत बिद्यालयहरुसंग मिलेर बनेको एउटा सिङ्गो संस्था हो । यसले गितानगर, चनौली, मेघौली, जगतपुर, शारदानगर, माडी लगायतका विभिन्न पश्चिम चितवनका क्षेत्रहरुलाई समाबेश गराउदै आइरहेको छ ।
बि.स. २०५८ सालमा संस्था स्थापना भएर बि.स.२०७९ मा संस्था दर्ता गरिएको हो । यस संस्थाको संरक्षक बेलबहादुर गुरुङ रहनुभएको छ ।
स्थापनाकालदेखि यस संस्थाले शिक्षक बिद्यार्थीहरुलाई तालिम प्रदान गर्नुका साथै गुणस्तरीय शिक्षा प्रदान गराउन विभिन्न विषयकमा अन्तरक्रिया समेत गर्दै आइरहेको संस्थाका संरक्षक एवं सल्लाहकार गुरुङले जानकारी दिनुभयो ।