स्कोव ट्रेनिङ सेन्टर संस्था पश्चिम चितवनले आज एक कार्यक्रमकाबीच एसईइमा उत्कृष्ट नतिजा ल्याउने बिद्यार्थीहरुलाई सम्मान गरेको छ ।
स्कोव ट्रेनिङ सेन्टर संस्था पश्चिम चितवनका अध्यक्ष हर्क बहादुर चापागाईंको अध्यक्षतामा भएको कार्यक्रममा भरतपुर महानगरपालिकाका उपप्रमुख चित्रसेन अधिकारीको प्रमुख आतिथ्यता रहेको थियो ।
कार्यक्रमलाई संवोधन गर्नुहुँदै उपमेयर अधिकारीले शिक्षालाई गुणस्तरीय बनाउन स्कोव ट्रेनिङ सेन्टर पश्चिम चितवनले खेलेको भुमिका महत्त्वपूर्ण भएको बताउनुभयो । उहाँले भरतपुरमा ९७ वटा भन्दाबढी संस्थागत बिद्यालय रहेको हुँदा महानगरले गुणस्तर सुधारका लागि समेत पहल थालेको बताउनुभयो ।
यसैगरी इस्कोब संस्था पश्चिम चितवनका अध्यक्ष हर्कबहादुर चापागाईंले संस्थागत बिद्यालयमा अध्यन गर्ने विद्यार्थीहरुले एसईइमा राम्रो नतिजा ल्याएको बताउनुभएको छ । ७० प्रतिशत संस्थागत बिद्यालयले चितवनमा उत्कृष्ट नतिजा ल्याएको चापागाईंले बताउनुभयो ।
एसईइमा पश्चिम चितवनका ३२ निजि बिद्यालय अन्तर्गत ए प्लस ल्याउने विद्यार्थीलाई सम्मान गरिएको थियो । जसमध्ये २० वटा बिद्यालयका विद्यार्थीहरु सहभागी थिए ।
३.३६ भन्दा बढी जिपिए ल्याउने २३ जना छात्रा र १० जना छात्रलाई नगद सहित प्रमाणपत्र र दोसल्लाले सम्मान गरिएको थियो ।