चितवनको भरतपुर ११ मा रहेको युनाइटेड टेक्निकल कलेज (युटेक)ले चितवनमा दोस्रो अन्तर्राष्ट्रिय गोष्ठी गर्ने भएको छ ।
यसै बर्ष असोज ६ गते गरिने अन्तर्राष्ट्रिय गोष्ठीका बारेमा र कलेजले दिदै आएको सेवाको बारेमा आज पत्रकार सम्मेलनद्वारा जानकारी गराइएको हो ।
बिइआईटीमा ४८ सिट तथा एमएससी इन ट्रान्सपोटेसन इन्जिनियरिङ एण्ड म्यानेजमेन्टमा ३० सिट ६/६ महिनामा भर्ना लिने गरी स्वीकृत गरिएको कलेजले जनाएको छ ।
बि.स. २०६५ सालमा निजी क्षेत्रको पहलमा स्थापना भएको प्रतिष्ठित कलेज युटेक कलेज पोखरा विश्वविद्यालयबाट सम्बन्धन प्राप्त कलेज हो । यसले जर्नल अफ युटेक इन्जिनियरिङ म्यानेजमेन्ट दोस्रो संस्करणको समेत अनावरण गरेको छ ।
साथै कलेजले चितवनकै पहिलो अन्तर्राष्ट्रिय गोष्ठी २०२१ को सफलतापछि चितवनमा अन्तर्राष्ट्रिय गोष्ठी संचालन गर्न लागेको कलेजका प्रीन्सीपल प्राध्यापक डा. केशवदत्त अवस्थीले जानकारी दिनुभयो ।
शैक्षिकसत्र २०८१/ ०८२ बाट यस कलेजले स्नातक र स्नातकोत्तर तहमा थप दुईवटा नयाँ कार्यक्रम समेत संचालन गर्न लागेको सिविल तर्फ विभागीय प्रमुख निरज बोहराले जानकारी दिनुभयो ।
यस कलेजबाट विद्यार्थीहरुले ४ जिपिए सहित उत्कृष्ट नतिजा ल्याउने गरेका छन् । कलेजमा उत्कृष्ट आधुनिक ल्याब, पुस्तकालयका साथै हरेक कक्षामा पावर पोइन्ट प्रोजेक्टको माध्यमबाट समेत पढाई हुने गरेको कलेजका प्रीन्सिपल अवस्थीको भनाइ छ ।
कलेजले अहिले बिई कम्प्युटरतर्फ ४८ जना बिई सिविलतर्फ ९६ जना अध्यापन गराइरहेको छ । विभिन्न बिधामा गरी ५ सय जनाभन्दा बढी इन्जिनियरहरु सेवारत छन् । भने कलेजमा अनुभवी तथा दक्ष प्राध्यापकहरूवाट अध्यापन गराइदै आइरहेको छ ।
उच्च गतिको इन्टरनेट सेवा रहनुका साथै कलेजमा बिद्यार्थीहरुका लागि युनाइटेड टेक क्लब र युनाइटेड रोबो क्लब समेत संचालन भइरहेका छन् ।