माडी नगरपालिका ६ शिवराजपुर टोलका १२ घरधुरी परिवारमा विधुत र पिउनेपानिको अभाव देखिएको छ । विगत सात बर्ष देखी बस्दै आएको उक्त घर परिवारमा अझैसम्म पनि विद्युत र खानेपानीको सुविधा पुग्न सकेको छैन ।
वर्षातको समयमा खरको छानो चुहिने भएकोले कष्ट भोग्दै आएको माडीको प्याउलीबाट बसाईसराई गरि आउनुभएकि बुद्धिमाया दराईले बताउनुभयो । त्यस्तै, एकल महिला रहनुभएकी फगुनि दराइले सरकारले दिएको एकल महिला भत्ताबाट आफ्नो जिवीका चलाएको दु:खेसाे पाेख्नुभयाे ।
मलेशियामा वैदेशिक रोजगारीमा रहनुभएका किरन गायकको आर्थिक सहयोगमा निर्मित सामुहिक शौचालय उक्त समुदायले प्रयोग गर्दै आएका छन् । भने, व्यक्तीगत सहयोगका दुईवटा चापाकल नै पानीको मुख्य श्रोत देखिन्छ ।
माडी-६ का वडाध्यक्ष दिपेन्द्रराज पाैडेलले उक्त बस्तीका समुदायहरू अन्यत्रबाट बसाइँ सरि आएकाे र २ घरबाहेक अन्यले बसाइँसराईकाे सिफारिस नल्याएकाे बताउनुभयाे । बसाइसराईको सिफारिस पत्र ल्याएकालाई स्वास्थ्य बिमा, लगायतका अन्य सेवा सुविधामा जोड्ने तयारी भैरहेको स्पष्ट पार्नुभयो । साथै उक्त बस्तिमा विधुत पुर्याउन पोल गाड्ने काम छिट्टै सुचारु हुने प्रतिबद्धता समेत जनाउनुभयो ।
गत तिहारमा आगाे लागेर घर जलेपछि घरबारविहीन भएकि माडी-३ कि सुनिता माझीले अझैसम्म पनि त्रिपाल बाहेक कुनै राहत नपाएकाे स्थानीयले बताएका छन् । जसकाे कारण पनि बसाइँ सराईं नभएकै कारण राहत दिन कठिनाई भएकाे बुझ्न सकिन्छ । #PRD8111015