माडी–३, बसन्तपुर स्थित खुला मञ्चमा यहि चैत्र १८ गते आइतबार खुल्ला रक्तदान कार्यक्रम आयोजना गरिएको छ ।

नेपाल रेडक्रस सोसाइटी बघौडा उपभोक्ता उपशाखा माडी, पतञ्जली योग समिति माडी र मिसन स्टार एजुकेशन कन्सल्टेन्सी, बसन्तपुरको आयोजनामा रक्तदान सचेतना तथा खुल्ला रक्तदान कार्यक्रम सञ्चालन गर्न लागिएको हो । त्यस्तै, माडी नगरपालिका, माडी–३ र ५ नम्बर वडा कार्यालयको सहयोगमा रक्तदान कार्यक्रम आयोजना गरिएको हो ।

बिरामीहरुको लागि अस्पतालमा रक्तअभाव कम गर्न तथा रगतको आकस्कमीक आवश्यकता हुदा सहज रुपले उपलब्ध गराउने उद्धेश्यले खुला रक्तदान आयोजना गरिएको नेपाल रेडक्रस सोसाइटी बघौडा उपभोक्ता उपशाखाका सभापति रामबन्धु पोख्रेलले बताउनुभयो ।

एकजनाको रक्तदान अर्को व्यक्तीको लागि जिवनदान रहेकोले खुल्ला रक्तदान तथा सचेतना कार्यक्रममा उल्लेख्य रुपले सहभागि भइ पुण्य कार्य गर्न उहाँले सबैमा आग्रह समेत गर्नुभयो ।
नेपाल रेडक्रस सोसाइटी Ram Bandhu Pokhrel #PRD801216