माडीको ऐतिहासिक धार्मिक एवं पर्यटकीय स्थल साेमेश्वरगढिमा शनिबार लगायत सार्वजनिक विदाको दिन पिकनिक खान र घुम्न जानेहरूको संख्यामा वृद्दि भएकाे छ ।
पाैष महिनाकाे मध्यतिर आइपुग्दा सोमेश्वर गढीमा घुमफिर गर्न, संस्थागत कार्यक्रम गर्न र रमाइलाे गर्न पिकनिक जाने विभिन्न समूह, क्लब, विद्यालय, टोल विकास समिति र व्यवसायी समितिहरूकाे टाेलिले साेमेश्वर गढीमा चहलपहल बढेको छ । गत शनिबार साेमेश्वरगढिमा अमर मा.वि. भरतपुरका विद्यार्थीहरूकाे समूह, अटाे व्यवसायी समिति अन्तरगतकाे चाैधरी समाजकाे टाेली, टाेल विकास संस्था, ग्रिनपिस युथ क्लब, आमा समूह, ब्रह्मपुरी भलिबल क्लब लगायत १४ भन्दा बढि टाेलि पिकनिक खान र कार्यक्रम गर्न पुगेका थिए । विदाकाे दिन गढीमा पिकनिक स्पट भरिभराउ हुन थालेकाे छ ।
नेपाल सरकारले सोमेश्वरगढीलाई देशको १०० पर्यटकीय गन्तव्य स्थलहरूको सूचीमा समावेश गरेसँगै साेेमेश्वरगढीमा देशकै ध्यान तानिएकाे हाे ।
माडीकाे सोमेश्वर गढी पुग्ने बाटो ढलान भएसँगै सोमेश्वरको यात्रा सहज भएको र पर्यटन प्रवर्द्धनमा थप टेवा पुगेकाे सोमेश्वरगढी संरक्षण तथा व्यवस्थापन समितिका अध्यक्ष पिताम्बर पोख्रेलले बताउनुभयो। #PRD810917