माडी नगरपालिका वडा नं. १ को कार्यालय भवन निमार्णको लागि छुट्याइएको १० लाख बजेटको योजना संसोधन गरि गोद्धक धाम मञ्च निमार्णमा ५ लाख, अष्टभुज शिव मन्दिर धर्मशाला व्यवस्थापनमा २ लाख ५० हजार, ग्याबीयन तार जाली खरिदमा १ लाख स्टार खेल मैदान तथा नेवा गुठी समाजको चौर मर्मतमा १ लाख ५० हजार रकमान्तर गरिएको छ ।

माडी नगरपालिकाको चालु आर्थिक वर्ष २०८१/८२ मा विनियोजित योजना तथा कार्यक्रमहरु संसोधन गरि १४ औं नगरसभा मार्फत पारित गरिएको हो ।

त्यस्तैगरि माडी–२ मा संसोधित भएका योजना तथा कार्यक्रमहरुमा वार्ड प्रोफाइल तयारी तथा व्यवस्थापनमा विनियोजित २ लाख ५० हजार वजेटको योजना संसोधन गरि अजिङ्गरे खोलाको कल्भर्ट संरक्षण २ लाख ३६ हजार र समीटोल बोरिङ संचालन व्यवस्थापनमा १४ हजार रकमान्तर गरिएको छ ।

त्यस्तै, सामुदायिक रेडियो माडीको भवन निमार्णको लागि छुट्याइएको २५ हजार अनुदान र डेरी चोक डाँडागाउँमा रहेको कल्भर्ट संरक्षणको लागि पूर्वाधार निमार्णको २ लाख बजेट संसोधन गरि देविस्थानको सिर्जनशिल कृषक समूहको मल वितरण केन्द्रमा टहरो निमार्णमा रकमान्तर गरिएको छ । #PRD810929