माडी-५ को वडा कार्यालयले वडा प्रोफाइल तयारीको लागि विनियोजन गरेको २ लाख बजेट संसोधन गरि टोल विकास संस्था मार्फत सरसफाई कार्यक्रममा रकमान्तर गरेको छ ।
त्यस्तै, कार्यालय व्यवस्थापनको लागि छुट्याएको १ लाख बजेट ह्युम पाइप खरिदमा रकमान्तर गरेको छ भने छात्रवृत्ति कार्यक्रमको १ लाख बजेट संसोधन गरि मेला महोत्सव तथा अन्य कार्यक्रमको लागि रकमान्तर गरिएको छ ।
त्यस्तै, माडी-६ वडा कार्यालयले बाटोनाला निमार्णको लागि छुट्याएको ३ लाख बजेट योजना संसोधन गरि ब्रम्हस्थान बसन्तपुुर गाउँ, हरिनगर गणेश मन्दिर र तमु समाज सभाहल पूर्वाधार निमार्णमा क्रमशः १/१ लाख रकमान्तर गरेको छ ।
माडी-७ ले वडा प्रोफाइल तयारी तथा व्यवस्थपनको १ लाख बजेट विकास निमार्णमा रकमान्तर गरेको छ ।
माडी-८ ले भैपरी खर्चको १ लाख २५ हजार राइटोल बाटो मर्मत र रिउखोला विश्राम स्थलमा रकमान्तर गरेको छ ।
त्यस्तैगरि, माडी-९ ले स्वास्थ्य बिमामा आबद्धता कार्यक्रमको ७ लाख ५० हजार, टोल विकास संस्था संचालन तथा व्यवस्थापनको १ लाख ५० हजार सहित एकमुष्ठ ९ लाख बजेट योजना संसोधन गरि घाँघर खोला तटबन्धनमा ५ लाख ५० हजार, चिसापानी टोल हनुमानझुला सामुदायिक भवनमा २ लाख ५० हजार, हनुमान झुलामा सोनाम ल्होसार कार्यक्रममा १ लाख बजेट रकमान्तर गरेको छ । #PRD810929