माडी–३ बैराठमा राज बैराठ जोगीधुनी संरक्षणार्थ आजबाट श्रमद्भागवत धनधान्याञ्चल सप्ताह ज्ञान महायज्ञ सुरू भएकाे छ ।
बैराठ धुनी जाेगी धुनी संरक्षण समितिका अध्यक्ष मधुराम चौधरीको अध्यक्षतामा सम्पन्न उद्घाटन कार्यक्रममा चितवन क्षेत्र नम्बर ३ का प्रतिनिधिसभा सदस्य बिक्रम पाण्डेकाे प्रमुख आतिथ्यता रहेको थियो भने बागमती प्रदेशका शिक्षा, स्वास्थ्य तथा कृषि समिति सभापति ठाकुरप्रसाद ढकाल, माडी नगरपालिकाको नगर प्रमुख ताराकुमारी काजी महताे, माडी नगरपालिकाको नगर उप-प्रमुख खेम प्रसाद महताे, वडाध्यक्षहरू लगायतकाे विशिष्ट अतिथ्यता रहेको थियो ।
ऋषि महर्षिहरूको तपोभूमि माडीको अतिनै प्राचीन तथा महर्षि बाल्मीकिद्धारा स्थापित ५२ मध्येको एक धुनी, बैराठ जोगी धुनीमा माघ १३ गतेसम्म चल्ने सप्ताहव्यापी महायज्ञको युवा पण्डित सुदर्शन सुवेदीले कथावाचन (माडी महिमा) गर्नुहुनेछ ।