कम्प्युटर एसोसिएसन नेपाल महासंघ जिल्ला शाखा चितवनको आयोजनामा भोलिदेखि ‘क्यान बिटुसी समिट २०८१’ हुने भएको छ ।
‘चितवनको सम्वृद्धि, सूचना प्रविधि’ भन्ने नारासहित चितवन गार्डेन रिसोर्टमा हुन लागेको दुई दिने समिटमा सूचना तथा सञ्चार प्रविधि क्षेत्रका व्यवसायीहरु, विद्यार्थी र सर्वसाधारणलाई नवीनतम प्रविधि, सफ्टवेयर र सेवाहरुको बारेमा जानकारी प्रदान गर्ने उद्देश्य राखिएको छ ।
चितवन र यस वरपरका जिल्लाहरुमा सूचना प्रविधिको क्षेत्रमा कार्यरत व्यवसायीहरु बीच सम्पर्क र सम्बन्ध स्थापित गराउने उद्देश्य पनि रहेको कम्प्युटर एसोसिएसन नेपाल महासंघ जिल्ला शाखा चितवनका अध्यक्ष विष्णु प्रसाद लामिछानेले बताए ।
कार्यक्रमको मुख्य प्रायोजकमा होरियोँन, सहायक प्रायोजकमा सफ्ट स्मार्ट, प्लाटिनममा टेकमाइड्स नेटवर्क, डायमन्डमा क्याउड लिंक एण्ड सेक्युरिटी ईन्टरप्राइजेज, बेस्ट आईटी प्राइज डटकम, सिल्भरमा एस पावर, हिक-मिजन म्याक्सिमा (एक्सपार्ट ल्यापटप सोलुसन), पिनाहक, ईगल टेक नेपाल, ईभी पार्टनरमा स्काई वेल तथा सहयोगी संस्थामा स्विफ्ट टेक्नोलोजी, यु सफ्ट, एक्सप्रेस मोचाईल रहेका छन्।
कार्यक्रमको प्रवर्द्धकमा भरतपुर महानगरपालिका र उद्योग वाणिज्य संघ चितवन रहेका छन्।
क्यान महासंघ चितवनले यसअघि २०८१ वैशाखमा क्यान इन्फोटेक टेक चितवन आयोजना गरेको थियो ।
जसमा चितवन र नवलपरासीका उद्योगी व्यवसायीहरुलाई आवश्यक पर्ने सफ्टवेयर तथा हार्डवेयर प्रदर्शनी गर्नुका साथै आईटी विषय अध्ययन गर्न चाह्मने विद्यार्थीहरूलाई आवश्यक परामर्श पनि प्रदान गरिएको थियो।