गैरआवासी नेपाली सङ्घ र संयुक्त नेपाली मजदुर समाज पोल्यान्डको संयुक्त आयोजनामा नेपालकाे राष्ट्रिय खेल भलिबल र चेस खेल सम्पन्न भएको छ।

पोल्यान्डको राजधानी वार्सामा गत जुन १४ मा सम्पन्न भएको खेलमा एन.आर.एन.ए पोल्यान्डका कार्यवाहक अध्यक्ष अनिल थापाको अध्यक्षता रहेको थियो भने डाक्टर बाेधराज सुवेदी प्रमुख अतिथि रहनुभएको थियो । त्यस्तै विशिष्ट अतिथिहरूमा आइसिसीका सदस्य भीमबहादुर खड्का, NRNA का प्रमुख संरक्षक गोपाल राई, इनास पाेल्याण्ड अध्यक्ष विवेक पौडेल, UNLS उपाध्यक्ष सुनिता लावति लगायतकाे उपस्थिति रहेकाे थियाे ।

प्रतियोगितामा १५ वटा टिमबीच भएको प्रतिस्पर्धामा UNLS ‘A’ ले प्रथम स्थान हासिल गरेको छ भने नेपाली जनसम्पर्क समिति दोस्रो र गण्डकी RC तेस्रो हुन सफल भएको छ ।

त्यस्तैगरी प्रतियोगिताको बेस्ट डिफेन्डर UNLS ‘A’ का सौगात जिसी, बेस्ट सटरमा UNLS कै मदनचन्द, बेस्ट ब्लकरमा गण्डकीका अर्जुन नेपाली, बेस्ट सेभरमा UNLS A का पुल गुरुङ र बेस्ट प्लेयरमा UNLS कै संजय परियार घोषित हुनुभयो ।

त्यस्तैगरि चेस खेलमा अभिनाश डंगोल विजेता बन्न सफल हुनुभएकाे छ ।