माडी नगरपालिकाले आर्थिक वर्ष २०८२/८३ मा विभिन्न शिर्षकमा भत्ता बापत रू. १ कराेड भन्दा बढि बजेट छुट्याएको छ ।

नगरपालिकाले सुशासन तथा संस्थागत विकास तर्फ विनियोजन गरेको कुल १९ करोड ९५ लाख बजेटमध्ये कर्मचारी प्रोत्साहनमा मात्रै आधा करोडभन्दा बढि (५५ लाख) बजेट विनियोजन गरेको हो ।

त्यस्तै, महंगी भत्ता २४ लाख, पदाधिकारी बैठक भत्ता १५ लाख, पदाधिकारीको लागि इन्धनमा १५ लाख, टेलिफोन संचार र इन्टरनेट महसुलमा १५ लाख, अन्य बैठक भत्ता १० लाख र अतिरिक्त समयको खाजा खर्चमा १० लाख बजेट विनियोजन गरिएको छ ।

यसबाहेक, जनप्रतिनिधि तथा कर्मचारीको अवलोकन भ्रमणमा १० लाख, पदाधिकारीको भ्रमण खर्चको लागि ९ लाख, कर्मचारीको भ्रमणको लागि २५ लाख, विभिन्न प्रतिनिधि मण्डलको डेलिगेसनमा जान ८ लाख, सभा सञ्चालन र कार्यपालिका बैठक खर्चको लागि १५ लाख बजेट विनियोजन गरिएको छ । #PRD820313

अतिरिक्त समयमा काम गरेबापत दिनुपर्ने प्रोत्साहन भत्ता माडी नगरपालिकामा कार्यालय समयमा काम गर्ने कर्मचारीहरुलाई समेत वितरण गरिएको भन्दै महालेखा परिक्षकले त्यसलाई बेरुजु देखाउने गरेको छ । #PRD82313