नेपाल विद्युत प्राधिकरण रत्ननगर टाँडी वितरण केन्द्र चितवनले कालिका नगरपालिका ९ का विपन्न नागरिकलाई निशुल्क मिटर वितरण गरेको छ ।
रत्ननगर वितरण केन्द्र टाँडीका प्रमुख राजेन्द्र कुमार चौधरीको अध्यक्षतामा भएको कार्यक्रममा बागमती प्रादेशिक विद्युत प्राधिकरण कार्यालयका प्रमुख टेकनाथ तिवारीको प्रमुख आतिथ्यता रहेको थियो ।
कार्यक्रममा बोल्नुहुँदै तिवारीले विपन्न लक्षित योजना अन्तर्गत बिजुलीका लागि निशुल्क मिटर वितरणका लागि झन्डै एक करोड २४ लाखको लागतमा सो सामाग्री वितरण गरिएको बताउनुभयो ।
कालिका नगरपालिका ९,१० र ११ यसैगरी राप्ती नगरपालिका १०, ११, १२ र १३ गरि २५ सय घरधुरीमा निशुल्क मिटर वितरण गरिएको हो ।
कालिका ९ का वडाध्यक्ष निलकण्ठ मगरका अनुसार, कालिका ९ मा एक सय ९५ घरधुरी १० मा १०२ र ११ मा २ सय घरधुरी लाभान्वित भएका छन् ।
यसैगरी राप्ती १० मा ४ सय ११ मा २५० १२ मा ७ सय र १३ मा ६ सय ५० घरधुरी विद्युत सेवामा लाभान्वित भएका छन् ।