भविन्द्र गाहा मगर (भविन) ले एनआएनए पोल्याण्डको आठौं राष्ट्रिय अधिवेशनमा अध्यक्षको पदमा उम्मेद्धारी घोषणा गर्नुभएको छ ।

गैर आवसिय नेपाली संघ (एनआएनए) पोल्याण्डको सन् २०२५ देखि २०२७ कार्यकालको लागि नयाँ कार्यसमिति चयन गर्न सञ्चालन हुन लागेको आठौं राष्ट्रिय अधिवेशनको निर्वाचनमा भविन्द्र गाहा मगर (भविन) ले सामाजिक सञ्जाल फेसबुक मार्फत उम्मेद्धारी घोषणा गर्नुभएको हो ।

एनआरएनए पोल्याण्डको २०२५ देखि २०२७ अवधिको लागि सदस्य बन्नुभएका ५५४ जना पञ्जिकृत सदस्यलाई बधाई दिंदै उहाँले एनआरएनए पोल्याण्डलाई साझा र पारदर्शी बनाउने उद्धेश्य राखेको बताउनुभयो । साथै, संस्थागत जवाफदेहिता र पारदर्शी एनआरएनए बनाउने अठोट मेरो, साथ तपाईंको भन्ने मुल नाराका साथ अध्यक्षको पदमा उम्मेद्धारी घोषणा गरेको उहाँले सार्वजनिक गर्नुभएको छ ।

त्यस्तैगरि, सामुहिक नेतृत्व प्रणाली अपनाई आफ्‌ना एजेन्डाहरु पुर्ण कार्यान्वयन गर्ने हिम्मतका साथ नेतृत्वको लागि आफुँ तयार रहेको उहाँको विचार थियो । नयाँ कार्यसमिति चयनकाे लागि आगामी जुलाई २६ तारिखमा निर्वाचन हुन लागेकाे हाे ।