पोल्याण्डमा २०२५ अप्रिल २ देखि ४ तारिखसम्म राहदानी (पासपोर्ट) नवीकरणका लागि आवेदन दिएका नेपाली मध्ये पहिलो र दोस्रो चरणमा पासपोर्ट वितरण सम्पन्न भए पनि तेस्रो चरणको नाम सूचीमा नपरेका सेवाग्राहीहरूले आक्रोश व्यक्त गरेका छन्।

सेवाग्राहीहरूले प्रश्न गरेका छन्, “के हामीलाई अनागरिक बनाउन खोजिएको हो? यसको जवाफ परराष्ट्र मन्त्रालय वा जर्मन बर्लिन स्थित नेपाली दूतावासले कहिले दिने?” लामो समयदेखि प्रतीक्षा गरिरहेका प्रभावितहरूका अनुसार पासपोर्ट वितरण प्रक्रियामा पारदर्शिता र समयसीमाको अभावका कारण उनीहरू रोजगारी, अध्ययन र वैदेशिक यात्रा योजनामा संकटमा परेका छन्। सेवाग्राहीहरूको गुनासो छ कि बिना पासपोर्ट काम गर्ने अवस्था छैन। बिना पासपोर्ट कुनै कागजात नबन्ने र पोल्यान्ड सरकारले बिना पासपोर्ट केही काम गर्न नसक्ने पीडित पक्षले जनाएको छ।

उनीहरूले सम्बन्धित निकायलाई तत्काल स्पष्ट स्पष्टीकरण दिन र बाँकी पासपोर्टहरू छिटो वितरण गर्न आग्रह गरेका छन्। यस विषयमा दूतावास वा मन्त्रालयतर्फबाट भने अहिलेसम्म आधिकारिक प्रतिक्रिया आइसकेको छैन।