वार्सा, पोल्याण्ड – हिन्दु नेपाली महिलाहरूको महान् पर्व हरितालिका तीजको अवसरमा पोल्याण्डको राजधानी वार्सामा विशेष सांगीतिक कार्यक्रम आयोजना भएको छ ।

अन्तर्राष्ट्रिय नेपाली समाज (INAS) पोल्याण्डले आयोजना गर्न लागेको ‘तीज विशेष सांगीतिक साँझ’ मा लोकप्रिय गायिका रचना रिमालको बेजोड प्रस्तुति रहनेछ । ​आउँदो अगस्ट ३०, २०२५ (शनिबार) का दिन हुने यो कार्यक्रम वार्साको चर्चित स्थान Hybrydy, Złota 7/9 मा आयोजना हुँदैछ। तीजको अवसर पारेर सार्वजनिक बिदाको दिनमा कार्यक्रम आयोजना गरिएको हुँदा पोल्याण्डमा रहेका नेपाली समुदायमाझ उत्साह देखिएको छ। कार्यक्रममा गायिका रिमालसँगै पोल्याण्डमा रहेका स्थानीय कलाकारहरूको पनि प्रस्तुति रहने आयोजकले जनाएको छ ।

​INAS पोल्याण्डका अनुसार कार्यक्रमको तयारी तीव्र गतिमा भइरहेको छ। कार्यक्रमको टिकट शुल्क अगस्ट ३० सम्म ७५ पोलिश ज्लोटी (PLN) रहेकाे छ भने (Door Sale) मूल्य ८० पोलिश ज्लोटी (PLN) तोकिएको छ ।

​कार्यक्रमबारे थप जानकारी वा टिकट खरिदका लागि आयोजकले केही सम्पर्क नम्बरहरू पनि सार्वजनिक गरेको छ। इच्छुक व्यक्तिहरूले तुल्सी पोखरेल (739429817), आयुषा केसी (576147542), मनीष दाहाल (530239168) र प्रतिमा थापा (722778360) लाई सम्पर्क गर्न सक्नेछन्। कार्यक्रमलाई सफल बनाउन सम्पूर्ण तयारी पूरा भइसकेको आयोजकले बताएको छ।