नारायणगढ–मुग्लिन सडक खण्ड छ घण्टापछि सञ्चालनमा आएको छ ।

आज (सोमबार) मध्यान्न १२ बजे इच्छाकामना–५ तुइन खेलामा गएको पहिरो हटापछि साँझ ६ बजेदेखि सडक दुई तर्फी सञ्चालनमा आएको हो । पहिरो हटाउनका लागि चार वटा मेसिन प्रयोग गरिएको थियो ।

सडक सञ्चालनमा आएपछि रोकिएका सवारी साधनहरु गतन्व्य तर्फ लागेका छन् । दिनभर रोकेका सवारी साधनका कारण यस सडक खण्डमा लामो जाम रहेको छ ।

यहाँ माथिबाट पिटक पटक खस्दा सडक अवरुद्ध हुँदै आएको छ । तीन दिनअघि ५८ घण्टापछि सडक खुलेको थियो ।