चितवन राष्ट्रिय निकुञ्ज भित्रकाे (जगतपुर-माडी ३३/११ के.भी.) भुमिगत प्रसारण लाइनमा पाेल गाडी तार जाेड्न (Cable Rise) डेढ वर्षअघि नै वन मन्त्रालयले लिखित अनुमति दिएकाे खुल्न आएकाे छ ।
डेढ वर्षअघि (२०८१ बैशाख ७ गते) माडी नगरपालिकाकाे एक प्रतिनिधिमण्डल सहित प्रधानमन्त्री तथा मन्त्रीपरिषदकाे कार्यालय सिंहदरबारमा बसेकाे बैठकले लिखित सहमति दिने निर्णय पश्चात् त्यसकाे ५ दिनपछि वन मन्त्रालयले निकुञ्ज भित्र चार ठाउँमा पाेल गाड्न अनुमति दिएकाे थियाे ।
निकुञ्ज भित्र भुमिगत प्रशारण लाइनको केबुलमा पटक पटक खरावी आउँदा माडीमा विद्युत सेवा प्रवाहमा कठिनाई भएकाले फल्ट छिटाे पत्ता लगाउन चार स्थानमा Cable raise गरी पोल गाड्न अनुमति प्राप्त भएकाे हाे ।
तर, अनुमति प्राप्त भएकाे डेढ वर्षमा पनि उक्त काम अघि नबढ्दा माडीबासिले पटक पटक अन्धकारमय अवस्था झेल्नु परेकाे छ । #PRD8206224