भरतपुर १० स्थित जिल्ला वकिल कार्यालयको अगाडि चार बर्षदेखि सन्तमाया घर्तीले मकै पोलेर आफ्नो ७ जनाको परिवार पाल्दै आउनुभएको छ ।
पोखरादेखि चितवन आएर सानो व्यवसाय थालनी गर्नुभएकी ४५ बर्षिय सन्तमायाका श्रीमान् जिल्ला अदालतमा ९ बर्ष देखि कार्यालय सहयोगीमा कार्यरत हुनुहुन्छ । जसोतसो श्रीमान र आफूले मकै पोलेर अहिले ५ जना छोराछोरीलाई पढाएको बताउनुभयो ।
श्रीमानसंगै जिल्ला अदालत परिसरमा बस्दै आउनुभएकी उहाँ मकै पोल्दै गहभरी आसु पार्दै सन्तमायाले हामीसंग जेनजी आन्दोलनमा अदालत जल्ने क्रममा आफ्नो कोठामा भएका सामाग्रीपनि जलेर खरानी भएको दुखेसो पोख्नुभयो ।
उहाँले ओड्ने ओछ्याउने, लगाउने लत्ताकपडा, भाडा बर्तन, र महत्त्वपूर्ण कागजात नागरिकता सबै जलेको र लत्ताकपडा र भाडाबर्तन किन्ने पैसाको जोहो गर्न समेत गार्हो भएको गुनासो गर्नुभयो ।
श्रीमानको सानो जागीर र आफ्नो ज्यालामजदुरी बाहेक घर जग्गाजमिन नभएको घर्तीले बताउनुभयो । नानीबाबुहरु सानै भएकोलेपनि अहिले बुढाबुढीले दु:ख गरेर ७ जनाको परिवार छोराछोरीलाइ पढाई, लालनपालन मुस्किलले गर्दै आएको बताउनुभयो ।