नेपालकै मध्यभागमा रहेको भरतपुर अस्पताल सुबिधा सम्पन्न अस्पताल हो । देशभरका बिरामीहरु अन्यत्र भन्दा प्रायः भरतपुर अस्पतालमा बढी आउने गर्छन् । तर अस्पतालले बढ्दो चापसंगै सेवालाई बिस्तार गर्न नसक्दा सेवाग्राहीले दिनहुँ सास्ती झेल्दै आइरहेका छन् ।

अस्पताल प्रशासनकै लापरबाहीका कारण छिटोछरितो बिरामीले सेवा नपाउने र घण्टाैंसम्म औषधी किन्नको लागि बिरामीका आफन्त लाइन बस्नुपर्ने समस्या देखिएको छ ।

यिनै विविध कारणले बिरामीले समयमा नै उपचार नपाउने समस्या देखिएको हो । केहीदिन अघि गैंडाको आक्रमणबाट गम्भीर घाइते भएका बिरामीका आफन्तले इमर्जेन्सी अवस्थामा समेत आफूलाई फार्मेसीले घण्टाैंसम्म लाइन बसालेको बताए ।

विमामा पाइने औषधी समेत अस्पतालले आफूसंग नभएको जनाउँदै अन्यत्रबाट खरिद गर्न लगाएको बिरामीका आफन्तले बताएका छन् ।