चितवनमा प्रेमप्रसाद गैरेलाई नचिन्ने सायद कमै होलान् । वि.स. २०२७ सालमा बागलुङ गल्कोटबाट बसाइँसराइ गरि हाल भरतपुर महानगरपालिका वडा नं. ४ पिपल चोकमा बसोबास गर्दै आउनुभएको छ । उहाँ धार्मिक व्यक्तित्व समेत हुनुहुन्छ । व्याचलर सम्मको अध्ययन गरेका गैरे एक दर्जन भन्दा बढी विभिन्न संघसंस्थामा आबद्ध हुनुहुन्छ । गैरे हाल विश्व हिन्दु महासंघको जिल्ला अध्यक्ष र संवाद मंच चितवनको समेत अध्यक्ष हुनुहुन्छ । चितवनमा हिन्दु धर्मको संरक्षणमा उहाँको बिशिष्ट योगदान छ । चितवनका विभिन्न क्षेत्रमा मठ मन्दिरको निर्माण र पुजा अनुष्ठान गर्दै आउनुभएको छ ।

यसै सन्दर्भमा रहेर हाम्रा पारदर्शीकर्मी अजित अधिकारीले चितवनमा हिन्दु धर्मको अवस्था र विश्व हिन्दु महासंघको काम कार्य आदिका बारेमा र उहाँको सामाजिक कार्यका बारेमा रहेर कुराकानी गर्नुभएको छ ।

यहाँलाई हार्दिक स्वागत छ, पारदर्शी अनलाइन डटकममा ?

धन्यवाद अजित जि !

आराम हुनुहुन्छ ?

आराम छु ।

केमा व्यस्त हुनुहुन्छ आजभोलि ?

विभिन्न सामाजिक संघसंस्थामा आबद्ध रहँदै आएको छु । त्यसैमा निरन्तर लागिरहेको छु । विभिन्न सामाजिक कार्यसंगै पुजाआजा र कार्यक्रममा सरिक रहने गर्छु ।

धार्मिक क्षेत्रमा यहाँ कहिलेदेखि आबद्ध रहनुभयो ?

म अजित जि ! धार्मिक क्षेत्रमा सानै उमेरदेखि जोडिदै आएको हुँ । विशेषगरी मेरो घरपरिवार बुवाआमा समेत धार्मिक हुनुहुन्थ्यो । सायद उहाँहरुकै प्रभावले गर्दापनि मलाई यस क्षेत्रप्रति लाग्ने प्रेरणा जाग्यो । सम्भवतः फेरि हामी आफैंमा हिन्दु त्यो भएको हिसाबले समेत धर्मप्रति हाम्रो ठूलो आस्था र बिश्वास छ ।

चितवनमा विश्व हिन्दु महासंघ र युवा संघको भूमिका कस्तो छ ?

अजित जि ! अत्यन्त ठूलो भूमिका र सक्रियता छ । परापूर्वकालदेखि हाम्रा बाजेपुर्खाले मान्दै र चलाउदै आएको रितिरिवाज हालसम्म निरन्तर चलिरहेको छ । विभिन्न मठ मन्दिरहरु निर्माण भएका छन् । पुजाआजामा समेत मानिसहरूको झनै ठूलो आस्था र सद्भाव बढ्दै गएको छ । महासंघ र युवासंघले बेथिति ढंगबाट हुँदै आएका महायज्ञ र त्यसको अपारदर्शी भएमा त्यसको निरुत्साहित गर्ने काम समेत गरेको छ । विभिन्न प्रलोभनमा पारेर धर्मान्तरण गर्न खोज्ने कामको समेत बिरोध जनाउदै आएको छ । राज्यलाई पुन वैदिक सनातन सहितको हिन्दुराज्य स्थापित गर्न समेत महासंघले आवाज उठाउदै आइरहेको छ । यसैगरी विभिन्न मठ मन्दिरको निर्माण र संरक्षण आदि गर्दै हालसम्म आइरहेको म यहाँलाई अबगत गराउदछु ।

नेपाललाई पुनः हिन्दुराज्य स्थापना गर्न कत्तिको सम्भव देख्नुहुन्छ ?

अजित जि ! यहाँलाईपनि अबगत नै छ । हाम्रो मुलुक बहुसंख्यक हिन्दुराज्य भएको देश हो । ८४ प्रतिशत हिन्दुराज्य भएको मुलुकमा राज्यले जबर्जस्त धर्मनिरपेक्षता बनायो । तापनि मानिसको आस्था हिन्दुमा नै छ । हाम्रा रितिरिवाज र मुल्यमान्यताका कारण हाम्रो धर्म झनै उचो हुँदै गएको छ । अझैपनि राज्यले धर्मनिरपेक्षता बनाइएकोमा पछुतो मानिरहेको छ । आशा गरौं नेपाल पुनः वैदिक सनातन सहितको हिन्दुराज्य बन्नेमा पूर्ण आशाबादी छु ।

भरतपुर महानगरको सहयोग के पाउनुभएको छ ? संस्थाको बिकाश र धार्मिक जागरणको लागि ?

अजित जि ! महानगरले हामीलाई खासै सहयोग त गरेको छैन । तर हाम्रा कार्यक्रममा उपस्थिति जनाएको छ ।

हिन्दु धर्मको संरक्षणमा राज्यले कस्तो खालको भूमिकाको बिकास गर्नुपर्ला यहाँको बिचारमा ?

राज्यले धर्मको बिकासको लागि सर्वप्रथम त नेपाललाई वैदिक सनातन हिन्दुराज्य घोषणा गर्नुपर्छ । एकआपसमा सबै धर्मप्रति एकता र सद्भाव कायम राख्नुपर्छ । जबर्जस्त बढिरहेको धर्मान्तरको गतिविधिलाई रोक्नुपर्छ । धर्म परिवर्तन गराउदै हिड्नेलाई कडा कारबाही गरिनुपर्छ ।

अन्त्यमा केही भन्नुहुन्छ कि ?

अजित जि ! हजुरको लोकप्रिय पारदर्शी अनलाइन डटकममा मलाईपनि आफ्नो बिचार राख्ने अबसर दिनुभएकोमा म यहाँलाई धेरैधेरै धन्यवाद दिन चाहन्छु ।