शिबपथ टोल बिकास संस्था भरतपुर ३ को आज नयाँ कार्यसमिति चयन गरिएको छ ।
भरतपुर ३ का वडाध्यक्ष बिकास थापाको प्रमुख आतिथ्यता र शिबपथ टोल बिकास संस्थाका अध्यक्ष एकप्रसाद लामिछानेको अध्यक्षतामा नयाँ समिति चयन गरिएको हो ।
संस्थाको चौथो अधिबेशन तथा सातौं साधारणसभाबाट सूर्यराज अधिकारीको अध्यक्षतामा एघार सदस्यीय कार्यसमिति चयन गरिएको छ । उपाध्यक्षमा भवानी पोख्रेल सचिव रामशरण सिंखडा कोषाध्यक्षमा मुक्तबहादुर पोखरेल सहसचिवमा रामहरी तिवारी र सदस्यहरुमा कृष्णप्रसाद अधिकारी (मधुकर) वृन्दा देवकोटा, किशोर नेपाल, अर्जुन अधिकारी, बिमला ओगस्ती बाबुराम लामिछाने चयन हुनुभएको संस्थापक अध्यक्ष जगदीश पन्तले जानकारी दिनुभयो ।
कार्यक्रममा बोल्नुहुँदै भरतपुर ३ का वडाध्यक्ष बिकास थापाले समाजको नेतृत्वदायी भूमिकामा शिबपथ टोल बिकास संस्थाको योगदान महत्त्वपूर्ण रहेको बताउनुभयो ।
यसअघिको समितिले समेत टोल बिकासमा गरेको योगदान प्रशंसनिय बनेको भन्दै नयाँ कार्यसमितिबाट पनि त्यस्तै कामको अपेक्षा गर्नुभयो । थापाले नयाँ कार्यसमितिलाई सफलताको शुभकामना प्रकट गर्नुभयो ।
त्यस्तै संस्थापक अध्यक्ष जगदीश पन्तले बिगतको इतिहासलाई स्मरण गर्दै अब टोलको बिकासमा नयाँ ढङ्गबाट जानुपर्ने बताउनुभयो । आजको परिवर्तनशिल समाजमा अपरिहार्य पूर्वाधार निर्माणमा जोड दिनुपर्ने बताउनुभयो । त्यस्तै उहाँले नयाँ कार्यसमितिलाई यसअघिको समितिका अधुरा कामहरु पूरा गर्न आह्वान गर्नुभयो ।
कार्यक्रममा वडा नम्बर ३ का सदस्य माधव अर्यालको बिशिष्ट आतिथ्यता रहेको थियो । भने विभिन्न संघसंस्थाका प्रतिनिधि र सामाजिक व्यक्तित्वको सहभागीता रहेको थियो ।