गीतानगर जेसीजले भरतपुरमा आयोजना गरेको नेपाल जेसीज क्षेत्र (ख) को बृहत सम्मेलनमा आज संस्थापक सदस्य र उत्कृष्ट युवाहरुलाई सम्मान गरेको छ ।
नेपाल जेसीज क्षेत्र (ख) का कार्यकारीणि उपाध्यक्ष सिनेटर अनुप सुनुवारको अध्यक्षतामा भएको कार्यक्रममा नेपाल सरकारका स्वास्थ्य तथा जनसंख्या मन्त्री प्रदीप पौडेलको प्रमुख आतिथ्यता रहेको थियो ।
कार्यक्रममा क्षेत्र (ख) मा पर्ने ४१ वटा जेसीजका शाखाहरु सहित देशभरीका जेसीज युवाहरूको सहभागीता रहेको थियो ।उक्त कार्यक्रममा सस्थापक सदस्य एवं स्वास्थ्य तथा जनसंख्या मन्त्री प्रदीप पौडेल, सदस्य डा. सुर्य प्रसाद तिमिल्सिना र सदस्य प्रकाश पौडेल सम्मानित हुनुभएको हो ।
त्यस्तै उत्कृष्ट युवातर्फ खेल क्षेत्रबाट प्रकाश भुजेल कला तथा साहित्य क्षेत्रबाट रमेश कोइराला र दुर्गा पौडेललाई सम्मान गरिएको सम्मेलनका सह-निर्देशक जेसी कृष्ण सापकोटाले जानकारी दिनुभयो ।उक्त सम्मेलनको समापन भोलि हुँदैछ ।