माडी-८ बैकुण्ठ तालमा फोटो खिच्ने क्रममा ढुङ्गामा चिप्लीएर भरतपुरका एक युवाको निधन भएको छ ।

आज बिहीबार विहान करिब ११ः३० बजे बैकुण्ठ तालको झरना छेउ फोटो खिच्न पुग्नुभएका भरतपुर-१६ शिबघाटका ३३ वर्षिया अर्जुन गौतमको तालमा डुबेर निधन भएको हो ।

भरतपुरबाट परिवार सहित बैकुण्ठ ताल घुम्न आउनुभएका उहाँ पेशाले चार्टड एकाउन्टेन्ड हुनुहुन्थ्यो । पौडी खेल्न नजान्नुभएको उहाँ खुट्टा चिप्लीएर तालमा डुब्नुभएको घटनास्थलबाट परिवारजनले बताएको हो ।

खबर प्राप्त भएपनि ढिला पुगेको सशष्त्र प्रहरीको गोताखोरको टिमले साँझ करिब ४ः३० बजे करिब १५ मिनेटको प्रयासपछि तालको करिब ३० फिट गहिराइको दलदलबाट निकालेको थियो ।

शबको मुचुल्का उठाई पोष्टमार्टमका लागि भरतपुर अस्पताल लगिएको प्रहरीले बताएको छ ।