हरिबाेधनी एकादशीकाे दिन माडीकाे छरछरेमा चर्चित राष्ट्रिय लाेकदाेहाेरी गायक राजु परियार र देबी आले मगरकाे घम्साघम्सी दाेहाेरी हुने भएकाे छ ।

यहि कार्तिक २७ गते (मंगलबार) परेकाे हरीबाेधनी एकादशिकाे दिन विगतका वर्षहरूझैं यसवर्षपनि पूजा अर्चना, ताेरण तारणसंगै सांस्कृतिक कार्यक्रम समेत सञ्चालन हुने भएकाे हाे ।

माडी-५ काे दियो क्लब माडी र शिवालय मन्दिर समिति छरछरेको आयोजनमा सञ्चालन हुने सांस्कृतिक कार्यक्रममा राजु परियार, देवी आले मगरसंगै माडीका स्थानिय कलाकारहरूकाे समेत प्रस्तुति रहने दियाे क्लब माडीका अध्यक्ष हरी पंगेनिले बताउनुभयाे ।

यसैबिच, मेलाकाे तयारी स्वरूप छरछरेधाम परिसरमा आज सरसफाइ समेत गरिएकाे छ ।