रक्त क्यान्सर पिडीत हाँस्य कलाकार एवं माडीका शिक्षक भुपराज पाठकको उपचार सहयोगार्थ भुपराज पाठक उपचार सहयोग अभियान सुरु भएको छ ।
माडी क्याम्पसकाे परिसरमा आज बसेकाे एक बैठकले पाठककाे उपचारमा सघाउन १९ सदस्यीय मुल समिति गठन गरेकाे हाे ।
दिवाकर स्मृति माध्यामिक विद्यालयकाे संयाेजकत्व रहने गरि गठित समितिकाे सह संयोजकमा अभियन्ताहरु हरि प्रसाद न्यौपाने र रामचन्द्र लम्साल, सचिवमा देव नारायण शाह, सह सचिवमा अर्जुन भुषाल र सदस्यहरुमा प्रविण भण्डारी, टिका खत्री, चोकलाल काफ्ले राजन, चन्द्रमणि महतो, राम प्रसाद भण्डारी, ओम भण्डारी, ओवनाथ पाण्डे, रामबन्धु पोख्रेल, गोविन्द नेपाल, गाेविन्द पाैडेल र नारायाण प्रसाद पौडेल लगायत रहनुभएको छ । भने, अन्य सदस्य पछि थप गरिने जनाइएकाे छ ।
यसैबिच, पाठककाे उपचारकाे लागि दिवाकर स्मृति माध्यामिक विद्यालयका शिक्षक तथा कर्मचारीहरूले ४ लाख रूपैयाँ सहयाेग संकलन गर्नुभएकाे छ भने अन्य संघसंस्था तथा विद्यालयहरूबाट समेत सहयाेग जुट्न थालेकाे छ ।
नेत्रहिन युवा संघ चितवनका अध्यक्ष एवं सञ्चारकर्मी समेत रहनुभएका माडी-४ सिम्रहनिका पाठक दक्षिण एसियामै पहिलोपटक ब्रेल लिपीमा समाचार पढ्ने पत्रकारका रुपमा समेत परिचित हुनुहुन्छ । #PRD810824