चितवनको माडी नगरपालिका–९ का जीतबहादुर बोटेले भियतनाममा दुई स्वर्ण पदक जितेका छन् । बोटेले भियतनाम २०२४ एसिएन ओपन पुलिस तेक्वान्दो च्याम्पियन्सिपमा दुई वटा स्वर्ण पदक जितेका हुन् ।

डिसेम्बर ६ देखि ९ तारिखसम्म चलेको प्रतियोगितामा उनले पुम्से काँता पुरुष पुलिस ३४ वर्ष मुनीमा दुई स्वर्ण जितेका हुन् । उनले एकल र जोडीमा समान एक एक स्वर्ण जितेका हुन् । उनको दुई स्वर्ण सँगै नेपालले प्रतियोगितामा ९ पदक जितेको छ । जसमा ४ स्वर्ण, १ रजत र ४ काँस्य रहेका छन् ।

 प्रतियोगितामा नेपालसहित २९ देशबाट एक हजार ३०० बढी खेलाडीहरु सहभागी थिए । नेपालबाट भने ५ पुरुष र ३ महिला गरी ८ जना सहभागी थिए । नेपाल पुलिसमा आवद्ध रहेका बोटे तेक्वान्दोका अन्तराष्ट्रिय खेलाडी हुन् । उनले १९ औं दक्षिण एसियाली खेलकुदमा दुई काँस्य पदक जितेका थिए ।