गरे के हुँदैन भन्ने कुराको गर्विलो उदाहरण दिएका छन् । चन्द्रमा होटल एण्ड रेस्टुरेन्टका संचालक चेतराम गैरेले सन् २००६ मा उनीपनि रोजगारीको सिलसिलामा जापान गएका थिए । जापान गए पश्चात् २००९ मा उनले जापानमा चन्द्रमा रेस्टुरेन्ट खोले । त्यस पश्चात् फेरि स्वदेशमा नै केही गर्नुपर्छ भन्ने उदेश्यले गैरेले चितवनको पर्यटकिय नगरी सौराहामा हालसालै सन् २०२४ मा चन्द्रमा नामकै अर्को होटल खोलेका छन् ।

वि.स. २०४१ सालमा बागलुङको गल्कोटथानमा जन्मनुभएका गैरे वि.स. २०६८ सालमा चितवन आउनुभएको हो । सानै उमेरदेखि लगनशील र मेहनती गैरे होटलमा निकै लामोसमय काम गरें । होटल क्षेत्रमा अनुभव बटुलेका गैरे रोजगारीको सिलसिलामा बिदेश समेत जानुभयो । अहिले उहाँका जापानमा दुईवटा होटल र नेपालमा एकवटा गरि तीनवटा होटल संचालनमा छन् । यसैगरी चितवनको पर्सा बजारमा ह्वाइटहाउस रेस्टुरेन्ट एण्ड पार्टी प्यालेस खोल्ने समेत गैरेको तयारी छ । उहाँको हाल स्थायी बसोबास भरतपुर ९ शरदपुर हो । व्यवसायी क्षेत्रमा अहिलेको वर्तमान अवस्थाका बारेमा रहेर हाम्रा पारदर्शीकर्मी अजित अधिकारीले चन्द्रमा होटलका संचालक चेतराम गैरेसंग गर्नुभएको संक्षिप्त कुराकानी

यहाँलाई हार्दिक स्वागत छ, पारदर्शी अनलाइन डटकममा ?

धन्यवाद अजित जि !

आराम हुनुहुन्छ ?

आराम छु !

दिनहरु कसरी बिताउदै हुनुहुन्छ ?

व्यवसायी क्षेत्रमा छु । यो संगै विभिन्न सामाजिक संघसंस्थामा आबद्ध छु । विभिन्न कार्यक्रममा निमन्त्रणा आउँछ । ती कार्यक्रममा समेत सहभागिता जनाउछु यसरी नै दिनहरु बित्दै गइरहेका छन् । फेरि जापानमापनि होटल संचालन गरेको हुनाले बेलाबखतमा त्यहाँपनि जाने गर्छु ।

कस्तो लाग्छ, तपाईंलाई आफ्नो व्यवसाय ?

मलाई एकदम राम्रो लाग्छ, अजित जि ! किनभने स्वदेशमा पनि केही गरौं भन्ने उदेश्यले समेत हालसालै होटल संचालन गरेको छु । फेरि चितवनमा अर्को होटलपनि संचालन गर्ने तयारीमा छु । पहिलो होटल जापानमा संचालन गरें । त्यसैले मलाई मेरो बिधाको पेशाप्रति अत्यन्त धेरै माया छ अजित जि !

खासगरी तपाईंलाई जापानमा एक्कासी होटल खोल्ने सोच कसरी आयो ?

अजित जि, मेरो पहिलेदेखि नै होटल खोल्ने चाहना थियो । आफूजस्ता युवाहरु स्वदेश होस् या बिदेश रोजगारी दिनुपर्छ भन्ने मेरो सानैदेखिको अठोट अनि व्यवसायी क्षेत्रमा मेरो रुचि यिनै आदि कारणले ममा होटल संचालन गर्ने सोच आएको हो ।

तपाईं वैदेशिक रोजगारीको सिलसिलामा जापान कहिले जानुभयो ?

म सन् २००६ मा जापान गएको हुँ ।

जापानमा कतिवटा होटल छन् । र कहिले संचालन गर्नुभयो ?

सन् २००९ मा मैले जापानमा होटल संचालन गरें । अहिले हाल जापानमा चन्द्रमा नामको होटल दुईवटा छन् । अर्को तपाईंलाई थाहा नै छ, हालसालै चितवनको पर्यटकिय नगरी सौराहामा चन्द्रमा नामको एउटा होटल छ । फेरि अर्को नामको होटल ह्वाइटहाउस समेत संचालन गर्ने सोचमा छु ।

होटल संचालन गर्न कत्तिको चुनौती छ ?

अजित जि ! होटल मात्र नभई विभिन्न पेशा व्यवसाय संचालन गर्न एकदम गाह्रो र फलामको चिउरा चपाय जस्तै छ । यो आर्थिक मन्दीका बेला  व्यवसाय संचालन गर्नु भनेको एकदम गाह्रो हो । तर हरेश खानुहुँदैन धैर्य गर्न सक्यो भने पक्कैपनि सफलता मिल्छ ।

हालसम्म यहाँले कति जनालाई रोजगारी दिनुभएको छ ?

अजित जि ! हामीले धेरैलाई रोजगारी दिएका छौं । प्रायगरी हामीले हाम्रै देशका युवाहरूलाई नै जापानमा समेत रोजगारी दिएका छौं । अहिले जापान नेपाल गरेर झन्डै २५ जनालाई रोजगारी दिएका छौं ।

के के परिकारहरु पाउने गर्छ तपाईंको होटल जापान र नेपालमा ?

विशेषगरि अजित जि ! जापानमा जापनिज खाना खाजाका विभिन्न परिकारसंगै नेपाली खाना खाजाका परिकार पाइन्छ । भने नेपालमा पनि विभिन्न देशका खाना खाजाका परिकारहरु पाइन्छ । जस्तै, चाइनिज, इन्डियन, पाकिस्तानी, नेपाली, अमेरिकन आदि खाना खाजाका परिकार पाइन्छ ।

कत्तिको आउने गरेका छन् । तपाईंको सौराहामा रहेको चन्द्रमा होटलमा पर्यटक ?

उसो त, सौराहा आफैंमा पर्यटकिय क्षेत्र हो । आन्तरिक तथा वाह्य पर्यटकहरुको आवागमन बढ्दै गर्दा धेरथोर पर्यटकहरु हामीकहाँ समेत आउने गर्नुहुन्छ ।

के कस्तो सेवासुबिधा छ ?

हामीकहाँ खानबस्नको लागि राम्रो व्यवस्था छ । सफा शुन्दर र स्वच्छ वातावरण छ । गाउँघरमा पालेका लोकल हाँस, कुखुराको मासु, लोकल नेपाली खानाका परिकार आदि सर्वसुलभ मुल्यमा पाइने भएकाले समेत हाम्रोमा राम्रो व्यवस्था छ ।

राज्यले के गर्नुपर्ला तपाईं हामी जस्ता युवाहरुका लागि ?

राज्यले तपाईं हामी जस्ता युवाहरुका लागि विभिन्न नीतिगत योजनाहरु ल्याउनुपर्छ । युवाहरुको रुचि अनुसारको सीप र क्षमता अभिबृदी गर्नुपर्छ । प्रशस्त रोजगारीका बाटाहरु निर्माण गर्नुपर्छ । कृषि क्षेत्रलाई पोप्साहन दिनुपर्छ । कृषि कर्म गर्न वा अन्य व्यवसाय गर्न चाहने युवाहरुलाई सहुलियतपूर्ण ऋणको व्यवस्था गर्नुपर्छ । स्वदेशमा नै उत्पादित बस्तुको प्रयोग र उत्पादनमा जोड दिनुपर्छ । बिदेशी बस्तुहरुको आयातमा रोक लगाउनुपर्छ । उत्पादित बस्तुको बजारीकरणमा राज्यले जोड दिनुपर्छ । बजार मुल्यमा एक रुपता ल्याउनुपर्छ ।

अब फरक प्रसङ्गमा जाउ यहाँहरुको पार्टी बस समेत संचालनमा आएको भन्ने सुनिन्छ ? खासमा कहिलेदेखि संचालनमा आएको प्रष्ट पारिदिनुस न ?

अजित जि, यहाँले भनेको साँचो हो । हामीले कोभिडका बेलादेखि पार्टी बस भनेर संचालनमा ल्याएका थियौं । काठमाडौंमा हामीले संचालन गरिरहेका छौं । यसमा हाम्रो ५/६ जनाको टिमपनि छ । हामीले छिट्टै चितवन महोत्सवमापनि सो बस ल्याउने तयारी गर्दैछौं ।

अन्त्यमा जाँदाजाँदै केही भन्नु छ, यहाँलाई ?

सर्वप्रथम त अजित जि ! यहाँलाई मनैदेखी धन्यवाद ! यहाँको लोकप्रिय संचार माध्यम पारदर्शी अनलाइनमा म जस्ता व्यवसायीका समस्या समाधानमा मिडिया मार्फत मेरा भनाइ राख्ने अबसर दिनुभएकोमा यहाँलाई धेरैधेरै धन्यवाद दिन चाहन्छु ।