चितवनको गाैरव र गरिमामय प्रस्तुति चितवन महोत्सव आज उद्घाटन हुँदैछ ।
नारायणगढस्थित नारायणी नदी किनारमा सुरु हुन लागेको चितवन महोत्सवको आज बिहान ११ बजे उद्घाटन गर्ने कार्यक्रम रहेको चितवन महाेत्सव मूल समितिका संयोजक एवम् उद्योग वाणिज्य सङ्घ चितवनका अध्यक्ष सुमन कुमार श्रेष्ठले जनाउनुभयाे ।
महोत्सव स्थलदेखि जिल्लाका विभिन्न पर्यटकीय स्थलसम्म जानका लागि ‘पार्टी बस’ समेत सञ्चालन गर्न लागिएको छ । पार्टी बसमा यात्रा गर्दा बसभित्रै विभिन्न परिकार खान पाइनेछ । यस अवधिमा भ्रमणमा आउने आन्तरिक तथा बाह्य पर्यटकलाई पर्यटन व्यवसायीको समन्यवमा छुटको व्यवस्था समेत गरिने छ ।
चितवनका मुख्य मुख्य पर्यटकीय स्थलसम्म घुम्न जान चाहनेहरूका लागि सफारीकाे व्यवस्था, होमस्टेमा बसोबास गर्ने प्रबन्ध मिलाइने र पर्यटकीय क्षेत्रको वृत्तचित्र प्रस्तुत गर्नेजस्ता कामहरु गरिने छ । महोत्सव माघ १० गतेसम्म चल्ने छ।