चितवनको गौरब र गरिमामय प्रस्तुति १५ औँ चितवन महोत्सव २०८१ मा दर्शकहरुको उत्साहजनक सहभागिता बढेको छ ।

पौष २५ गते समुद्धघाटन भएको महोत्सवमा शनिबार साँझसम्म करिब १ लाख दर्शकहरुले अवलोकन गरेको उद्योग वाणिज्य संघ चितवनका कार्यक्रम अधिकृत गणेश सुवेदीले जानकारी दिनुभयो । समुद्धघाटन कार्यक्रममा सहभागि भएका सहित महोत्सवको दोस्रो र तेस्रो दिनको सहभागिता जोड्दा करिब १ लाखले अवलोकन गरेको उहाँले बताउनुभयो । आइतबारको तथ्यांक आउन भने बाँकि छ ।

उद्योग वाणिज्य संघ चितवनको आयोजनामा नारायणगढस्थित नारायणी नदीकिनारमा जारी महोत्सवमा धुलोरहित बनाउन महोत्सव परिसर आकर्षक कापेंट विछ्याइएको छ । माघ १० गतेसम्म चल्ने महोत्सवको टिकट शुल्क सर्वसाधारणका लागि १०० र विद्यार्थीका लागि ५० रुपैयाँ कायम गरिएको छ ।