चितवनको मध्यभागमा अबस्थित भरतपुर अस्पतालले नागरिकले विमाबाट पाउनुपर्ने औषधी बन्चित गराएको छ ।
सरकारले एक व्यक्ति बापत बर्षको एक लाखसम्मको विमाबाट औषधोपचार गर्न पाउने नियम कार्यान्वयन गराएतापनि भरतपुर अस्पतालले सो नियमको उल्लंघन गरेको हो ।
सामान्य बिरामी भएर अस्पताल आउँदा समेत ओपीडीमा विमाबाट टिकट काटिएको भएपनि सामान्य औषदी लिदा समेत उल्टै पैसा तिर्नुपरेको माडी निवासी शारदा पौडेलले गुनासो गर्नुभयो ।
उहाँले भन्नुभयो, सहुलियतपूर्ण उपचारका लागि भन्दै विमा गरियो । तर सरकारले दिएको विभिन्न प्रकारको उपचारमा सेवा पाउन नसक्दा दुख लाग्यो ।
उता भरतपुर अस्पतालका अध्यक्ष राजु पौडेलले आफूलाई यस बारेमा केही जानकारी नभएको बताउनुभएको छ । यदि त्यस्तो भएको पाइएमा तत्काल कारबाही प्रक्रिया अगाडि बढाउने समेत जानकारी दिनुभयो ।
भरतपुर अस्पताल चितवनमा चिरपरिचीत नाम हो । नेपालका विभिन्न जिल्ला तथा भारतबाट समेत मानिसहरु उपचारका लागि आउने गर्छन् ।