रोटरी क्लब चितवन र स्पाउज क्लब अफ आर.सि. चितवनको संयुक्त आयोजनामा कपडा बितरण गरिएको छ ।

भरतपुर  अस्पतालमा  संचालित  कपडा बैंकमा आज एक कार्यक्रमकाबीच कपडा हस्तान्तरण  गरिएको हो ।

जाडोयामलाई मध्येनजर गर्दै क्लबले भरतपुर अस्पतालमा आउने बिरामी र बिरामी कुरुवालाई निशुल्क कपडा वितरण गरेको रोटरी क्लब चितवनका अध्यक्ष भानु शर्माले जानकारी दिनुभयो ।

दुईवटै क्लबका अध्यक्षद्वय भानु शर्मा र पार्वती बगाले सुबेदीले संयुक्त रूपमा भरतपुर  अस्पतालका मेडिकल सुपरिटेन्डेन्ट डा. कृष्ण  पौडेल र अस्पताल बिकास समितिका अध्यक्ष  राजु पौडेललाई  करिब ३०० थान कपडा  हस्तान्तरण गर्नुभएको थियो ।  भरतपुर  अस्पतालमा उपचारमा आउने सेवाग्राही एवं  कुरुवाहरुलाइ लक्षित गर्दै कपडाकै कारण समस्यामा नपरुन् भन्ने हेतुले निशुल्क कपडा बैंक संचालन गरिएको हो ।

कार्यक्रममा रोटरी क्लबका पूर्व अध्यक्षहरु राजु पौडेल, रोशन पिया, दिपक प्रधान, स्पाउज क्लबका उपाध्यक्ष  जानकी  शर्मा,सचिब अर्पणा श्रेष्ठ ,कोषध्यक्ष सीता अधिकारी पुर्ब अध्यक्ष  योगिता पिया,सदस्य सरु गैरे,रोशनी प्रधान लगायत विभिन्न सामाजिक व्यक्तित्वको सहभागीता थियो ।