ग्रामोदय इङलिस स्कुल भरतपुर ५ मुनाल चोकमा अबस्थित आफ्नो २९ औं वार्षिकोत्सव विविध सांस्कृतिक कार्यक्रम सहित सोमबार सम्पन्न भएको छ ।
विद्यालय व्यवस्थापन समितिका अध्यक्ष तेजेन्द्र प्रसाद पौडेलको अध्यक्षतामा भएको कार्यक्रममा चितवन जिल्ला प्याब्सनका अध्यक्ष मदन पुरीको प्रमुख आतिथ्यता रहेको थियो ।
सो कार्यक्रमको उद्घाटन गर्नुहुँदै पुरीले शिक्षामा आमूल परिवर्तन ल्याउन आबश्यक रहेको बताउनुभयो । शिक्षालाई व्यवहारिक र सैद्धान्तिक बनाउनुपर्ने उहाँको तर्क थियो ।
उहाँले सरकारले शिक्षा ऐन कार्यान्वयनमा तत्काल जोड दिनुपर्ने धारणा राख्नुभयो । सर्वसुलभ तवरले आम विद्यार्थीलाई गुणस्तर सहितको शिक्षा दिनुपर्ने उहाँको बुझाई थियो । विद्यालयमा सबै प्रकारका बालबालिकाहरुको सहभागीता रहनेगरी भर्ना प्रकृयालाई अगाडि बढाउन समेत पुरीले माग गर्नुभयो ।
त्यस्तै भरतपुर ५ का वडाध्यक्ष युद्धप्रसाद श्रेष्ठले शिक्षा क्षेत्रको बृहत्तर बिकासमा वडाले जोड दिदै आएको बताउनुभएको छ । उहाँले खेलकुदका लागि विद्यार्थीलाई अतिरिक्त क्रियाकलापमा जोड दिने गरेको बताउनुभयो । नजिकिदै गरेको एसईइ परिक्षालाई मध्येनजर गर्दै स्कुलले निशुल्क कोचिङ ट्युसनको व्यवस्था गर्नुपर्ने उहाँको भनाइ थियो ।
श्रेष्ठले किताबी ज्ञानलाई मात्र नभई व्यवहारिक सीपलाईपनि संगसंगै लैजानुपर्ने तर्क गर्नुभयो । उहाँले आजको २१ औं शताब्दीमा आइपुग्दा समेत अझैपनि पुरातन सोच समाजमा रहिआएको बताउनुभयो ।
शिक्षा क्षेत्रमा देखिएका समस्या समाधानमा राज्यले तत्काल ध्यान दिनुपर्ने धारणा राख्नुभयो । नजिकिदै गरेको एसईइ परिक्षामा सामेल विद्यार्थीहरुलाई विद्यालयले नै निशुल्क कोचिङ ट्युसनको व्यवस्था गर्नुपर्ने बताउनुभयो ।
यसैगरी विद्यालय व्यवस्थापन समितिका अध्यक्ष तेजेन्द्र प्रसाद पौडेलले विद्यालयको भौतिक तथा पूर्वाधार निर्माण सुविधाजनक रहेको बताउनुभएको छ । अङ्ग्रेजी नेपाली दुबै माध्यममा पढाई हुने हुँदा भाषागत ज्ञानमा समेत समस्या नरहेको बताउनुभयो । कक्षा १ देखि १२ सम्म झन्डै एक हजार भन्दा बढी विद्यार्थी संख्या रहेको उल्लेख गर्नुभयो ।
विद्यार्थीलाई गुणस्तरीय शिक्षा प्रदान गराउन आफू निरन्तर लागिरहेको समेत जिकिर गर्नुभयो । आजको परिवर्तनकारी भूमिकामा शिक्षाको महत्त्वपूर्ण स्थान रहेको बताउदै पौडेलले शिक्षालाई व्यवहारिक ज्ञानसंग जोड्न आह्वान समेत गर्नुभयो ।
यसैगरी विद्यालयका प्रधानाध्यापक यम बहादुर पौडेलले कक्षा १ देखि १२ सम्म नेपाली र अङ्ग्रेजी दुबै माध्यममा पढाई हुने गरेको बताउनुभयो । विद्यार्थीको संख्या समेत उल्लेख भएको जिकिर गर्दै पौडेलले विद्यार्थीलाई गुणस्तरीय शिक्षा प्रदान गर्न आफूहरु सफल भएको दाबी गर्नुभयो ।
त्यस्तै उहाँले नजिकिदै गरेको एसईइ परिक्षामा सामेल विद्यार्थीलाई अग्रिम बधाई दिदै नतिजा सुधारका लागि विद्यालयले आजैदेखि तयारी थालेको बताउनुभयो ।
कार्यक्रममा भरतपुर ५ का वडाध्यक्ष युद्ध प्रसाद श्रेष्ठ, चितवन प्याब्सनका वरिष्ठ सल्लाहकार बेल बहादुर गुरुङ, भरतपुर प्याब्सनका अध्यक्ष मिनराज बस्ताकोटी, भरतपुर प्याब्सन तथा स्कोवका सल्लाहकार अरविन्द प्रताप राणा, भरतपुर प्याब्सनका उपाध्यक्ष श्रीनिवास पौडेल, संस्थागत विद्यालय समन्वय बोर्ड स्कोवका अध्यक्ष हर्क बहादुर चापागाईं, स्कोवका सल्लाहकार नवराज भट्ट, परीक्षा उपसमितिका संयोजक रामप्रसाद घिमिरे लगायतका व्यक्तित्वहरुको सहभागीता थियो ।