नेपाली कांग्रेसका केन्द्रीय सदस्य एवं पूर्व आप्रवासी समन्वय बिभागका प्रमुख दिनेश कोइरालाले स्वदेशमै रोजगारीको वातावरण निर्माणमा जोड दिनुपर्ने बताउनुभएको छ ।
नेपाली कांग्रेस पूर्व आप्रवासी समन्वय बिभागको आयोजनामा आयोजित कर्णाली प्रदेशस्तरीय भेलामा अध्यक्षता ग्रहण गर्नुहुँदै नेता कोइरालाले सो कुरा बताउनुभएको हो ।
उहाँले देशको आमुल परिवर्तनमा नेपाली कांग्रेसको भूमिका महत्त्वपूर्ण भएको जिकिर गर्दै बिदेशमा सिकेको सीपलाई स्वदेशमा नै प्रयोग गर्ने बाताबरण बनाउनुपर्ने बताउनुभयो ।
स्वदेशमा रोजगारीका बाटाहरु निर्माण गर्न सकिने थुप्रै आधार भएको उदाहरण दिदै नेता कोइरालाले कृषिमा जोड दिनुपर्ने बताउनुभयो ।
दिनानुदिन बिदेशीदै गएको जनशक्तिलाई सदुपयोग गर्न सकिएको खण्डमा अरु देश जस्तै नेपालपनि आत्मनिर्भर बन्न सक्ने बताउनुभयो । रोजगारीको प्रवर्द्धनमा कांग्रेसको योगदान महत्त्वपूर्ण भएको दाबी गर्दै उहाँले पार्टीभित्रको हार्दिकता अझ फराकिलो बनाउनुपर्ने धारणा राख्नुभयो ।
सरकारले युवाहरुका लागि रोजगारीको वातावरण निर्माण गर्न आजैदेखि लाग्नुपर्ने सुझाव दिदै बजारीकरण र सहुलियतपूर्ण ऋणको व्यवस्था राज्यले नै गर्नुपर्ने बताउनुभयो ।
आजको २१ औं शताब्दीमा मुलुक आइपुग्दा समेत अझैपनि सुशासन र बिकासको निर्माण नभएको तर्क गर्नुभयो । अबको दश बर्षभित्र आम युवाहरुलाई स्वदेशमा नै रोजगारीको व्यवस्था गराउन सरकार तत्पर बन्नुपर्ने बताउनुभयो ।
रोजगारीका लागि सस्तो र सर्वसुलभ भिजाको व्यवस्था, कामको जिम्मा र श्रमिकको सुरक्षामा राज्यले दुई पक्षबीचको सम्झौतालाई अज बलियो बनाउनुपर्नेमा जोड दिनुभयो ।