त्रिनेत्र बचत तथा ऋण सहकारी संस्था गैंडाकोट नवलपरासीको एकदिने अबलोकन भ्रमण शनिबार सम्पन्न भएको छ ।
गण्डकी प्रदेश अन्तर्गतका जिल्ला तथा क्षेत्रहरुको अबलोकन गर्ने क्रममा संस्थाले ताल पोखरी, रामघाट, अकलादेवी मन्दिर लगायतका विभिन्न धार्मिक तथा ऐतिहासिक स्थलहरुको अबलोकन गरिएको सो संस्थाका उपाध्यक्ष शंकर आचार्यले जानकारी दिनुभयो ।
नवलपुर हुँदै पाल्पाका केही क्षेत्रमा भएका स्थलहरुको अबलोकन गरिएको हो । यस क्षेत्र परापूर्वकालदेखि प्रसिद्ध छ । बुटवलमा नुन लिन जानको लागि पू्र्खाहरु त्यतिखेरबाट कालीगण्डकी करिडोर हुँदै अहिलेकै बाटो प्रयोग भएको इतिहास छ ।
कालीगण्डकी हाम्रा विभिन्न धार्मिक ग्रन्थहरुमा समेत परिचीत रहेकाले परापूूर्वकालदेखि बाट नै यसको विशेष महत्त्व रहँँदै आएको छ ।
संस्थाका अध्यक्ष कुलनाथ कंडेलले सबै शेयर सदस्यहरुलाई कार्यालय परिसरबाटै सफल यात्राको शुभकामना दिनुभएको थियो । यसैगरी कार्यक्रम व्यवस्थापक प्रधुम्न ढुंगानाले संस्थाको आर्थिक गतिविधिका बारेमा शेयर सदस्यहरुलाई छोटो जानकारी गराउनुभएको थियो ।
समितिका उपाध्यक्ष शंकर आचार्यले स्थापनाकालदेखि संस्थाले विभिन्न सामाजिक क्षेत्रमा बिशिष्ट योगदान पुराएको बताउनुभयो । उहाँले इतिहासको स्मरण गराउन संस्थाका शेयर सदस्यहरुलाई कालीगण्डकी करिडोर हुँदै निर्माण गरिएको सडकको महत्त्व दर्शाउन समेत भ्रमण गराइएको जानकारी दिनुभयो । संस्थाका सबै शेयर सदस्यहरुलाई बचत, सहकारी आदिका बारेमा जानकारी दिनुभएको थियो ।
उहाँले भन्नुभयो, ‘हाम्रा पुर्खाहरु यहीँ बाटोको प्रयोग गरेर बटौलीमा गएर नुन ल्याएको कथन हामीले सुन्दै आएका हौं ।’ त्यसैको महत्त्व दर्शाउन हामीले भ्रमण गराएका हौं । उहाँले फेरि भन्नुभयो ‘हामी स्थापनाकालदेखि विभिन्न सामाजिक क्षेत्रमा क्रियाशिल छौ ।’ समाज रुपान्तरणमा सहकारीको अत्यन्तै महत्त्वपूर्ण भूमिका भएको भन्दै उहाँले शेयर वृद्धि र बचत गर्ने बानीको बिकासमा जोडदिन आह्वान गर्नुभयो । फजुल खर्चबाट जोगिन र बचत गर्ने बानीले भबिस्यमा समस्या सिर्जित नहुने बताउनुभयो ।
संस्थाले असल शेयर सदस्य नियमित बचत कर्ता, मासिक बचत कर्ता, पुरस्कृत बचत कर्ता र शेयर सदस्यहरुलाई बार्षिक एक पटक भ्रमण गराउने गरेको छ । यसै अनुरुप संस्थाले शेयर सदस्यहरुलाई अबलोकन भ्रमण गराएको हो ।
कार्यक्रममा व्यवस्थापक प्रधुम्न ढुंगाना कार्यक्रम संयोजक संस्थाका उपाध्यक्ष शंकर आचार्य संचालक सदस्य मनुकला ढुंगाना र सीताराम रिजाल लेखा समिति सदस्य सीता आचार्य पौडेल लगायतका व्यक्तित्वहरुको सहभागीता रहेको थियो ।