भरतपुर भ्रमण बर्ष २०२४ को उद्घाटन प्रधानमन्त्री पुष्पकमल दाहाल प्रचण्डले गर्नुहुने भएकाे छ ।
चितवनकाे नारायणी नदी किनारमा भव्य समारोहका बीच फाल्गुन १८ गते दिउसो १ बजे प्रधानमन्त्रीसंगै पूर्वप्रधानमन्त्री, संघीय सरकारका मन्त्री, प्रदेशका मुख्यमन्त्री र संघ तथा प्रदेशका सांसदहरु सबैको उपस्थिति रहने भरतपुर भ्रमण बर्ष मुल समारोह समितिका संयोजक एवं भरतपुर महानगर प्रमुख रेनु दाहालले जानकारी दिनुभयो ।
उद्घाटन समारोहमा स्थानीय तथा राष्ट्रियस्तरका ख्यातिप्राप्त कलाकारहरुको उपस्थिति रहने जनाइएकाे छ । विभिन्न सांस्कृतिक झाँकी सहित प्रदर्शन हुने सो कार्यक्रममा २९ वटै वडाका वडाध्यक्षहरुको नेतृत्वमा विभिन्न बिधामा विभिन्न समुदायका आआफ्नै मौलिक संस्कृतीहरु प्रस्तुत गरिनेछ ।
त्यस्तै भरतपुर भ्रमण बर्ष सफल बनाउन महानगर प्रमुख रेनु दाहालको संयोजकत्वमा २०२४ सदस्यीय मुल समिति तथा ७ सदस्यीय निर्देशन समिति, उपप्रमुख चित्रसेन अधिकारीको संयोजकत्वमा १९ सदस्यीय कार्य सम्पादन समिति, र अन्य तहका बिशिष्ट व्यक्तित्वहरु संलग्न सल्लाहकार समिति आदिको समूह गठन प्रक्रिया अगाडि बढाइएको छ ।
भरतपुर भ्रमण बर्षमा विभिन्न निजी क्षेत्र तथा विभिन्न संघ संस्थाहरुको अगुवाईमा बर्षभरी ५१ वटा विभिन्न कार्यक्रमहरु संचालन गरिनेछ । भ्रमण बर्षमा करिब २ लाख बाहय पर्यटक तथा ५ लाख आन्तरिक पर्यटकहरुले भरतपुर भ्रमण गर्ने अपेक्षा महानगरले राखेको छ ।
