नेकपा एमाले चितवनको ११ औँ जिल्ला अधिवेशन आजदेखि सुरु हुँदै छ । एमाले अध्यक्ष एवम् पूर्वप्रधानमन्त्री केपी शर्मा ओलीले भरतपुर–४ लंकुस्थित होटल ग्यालेक्सीमा हुने अधिवेशनको उद्घाटन गर्ने कार्यक्रम रहेको छ ।

जेठ १४ गतेसम्म चल्ने अधिवेशन सम्पन्न गर्न नेकपा एमाले चितवनका अध्यक्ष रामप्रसाद न्यौपानेको संयोजकत्वमा ४९९ सदस्यीय मूल व्यवस्थापन समिति बनाइएको छ ।

न्यौपानेको संयोजकत्वमा पार्टीको राजनीतिक तथा सांगठनिक प्रतिवेदन लेखन समिति, उपाध्यक्ष कमलराज पाठकको संयोजकत्वमा आर्थिक प्रतिवेदन लेखन समिति, सचिव प्रकाश खनाल ‘शैलेस’को संयोजकत्वमा खाद्य तथा आवास व्यवस्थापन समिति बनाइएको छ ।