माडीको सोमेश्वरगढि पुग्ने बाटो सम्झौता अवधिभन्दा ६ महिना अगावै निमार्ण कार्य सम्पन्न गरेको डाइनामिक कन्स्ट्रक्सन प्रा.लि. ले सोमेश्वर प्रवेशद्धार परिसरमा दुइ कोठे कार्यालय भवन निमार्ण गरि हस्तान्तरण गरेको छ ।

सोमेश्वर गढि पुग्ने बाटो निमार्णको जिम्मा पाएको भरतपुर-४ वैदिकनगरको डाइनामिक कन्स्ट्रक्सन प्रा.लि. ले सोमेश्वरगढी संरक्षण तथा व्यवस्थापन समितिका आवश्यक गतिविधि सञ्चालन गर्नको लागि दुइ कोठे भवन निमार्ण गरि सौजन्य गरेको हो ।

बागमती प्रदेशका शिक्षा, स्वास्थ्य तथा कृषि समिति सभापती ठाकुर प्रसाद ढकालको प्रमुख आतिथ्यतामा आज शुक्रबार सो भवन हस्तान्तरण गरिएको हो ।

यसैबिच, माडीको पर्यटकीय क्षेत्र सोमेश्वरगढीको सडक स्तरोन्नतीको लागि महत्वपुर्ण योगदान पुर्याउने व्यक्ती तथा संस्थालाई सोमेश्वर गढी संरक्षण तथा व्यवस्थापन समितिले कदर पत्रसहित सम्मान गरेको छ ।

सोमेश्वरगढीको गुणस्तरयुक्त सडक निमार्ण गर्न बजेट विनीयोजन र निमार्ण कम्पनी छनौट गरेकोमा पूर्वाधार विकास कार्यालय भरतपुर र निमार्णको जिम्मा पाएको डाईनामिक कन्स्ट्रक्सन प्रा.लि. र सोमेश्वरगढीलाई नेपालको १०० पर्यटकिय गन्तब्यस्थलको सूचिमा समावेश गराउन र सडक निमार्ण अवधिभर अहोरात्र खटिनुभएका बागमती प्रदेश सभा सदस्य ठाकुर प्रसाद ढकाललाई सम्मान गरिएको हाे । #PRD810912 Thakur Prasad Dhakal Pitambar Pokhrel