नेपाल पत्रकार महासंघ चितवन जिल्ला कार्यसमितिका पूर्व सदस्य माडीका सञ्चारकर्मी, हांस्य कलाकार एवं शिक्षक भुपराज पाठककाे निधन भएकाे छ ।

रक्तक्यान्सर एवं क्षयरोग पीडित रहनुभएका उहाँकाे भरतपुरस्थित बि.पि. कोइराला मेमोरियल क्यान्सर अस्पतालमा उपचारका क्रममा आज (बुधबार) बिहान करीब ७:३० बजे निधन भएको हो ।

गत मंसिर २१ गते रक्तक्यान्सर लागेको पुष्टी भएसंगै काठमाडौंस्थित त्रि.वि. शिक्षण अस्पताल महाराजगञ्जमा लगिएकाेमा त्यसपछि भारतको नयाँदिल्लीस्थित राजीव गान्धी अस्पतालमा उपचाररत रहनुभएकाे थियाे ।

पाठककाे अवस्था जटिल भएपछि उहाँलाई नेपाल फिर्ता ल्याइ भरतपुरस्थित बि.पि. कोइराला मेमोरियल क्यान्सर अस्पतालमा उपचाररत हुनुहुन्थ्याे ।