चितवनको भरतपुरमा मेड इन नेपाल एक्स्पो एण्ड फुड फेस्टिवलको तयारी पूरा भएको भएको छ ।
युवा उद्यमी मञ्च नेपाल चितवनले नयाँ बर्षको अवसर पारेर चैत्र २९ गतेदेखि संचालन गर्न लागेको ‘मेड इन नेपाल एक्स्पो तथा फुड फेष्टिबलको तयारी ९० प्रतिशत भन्दा बढी सकिएको जनाएको हो ।
उक्त एक्स्पोको मेयर रेनु दाहालले उद्घाटन गर्नुहुनेछ । एक्स्पो तथा फुड फेस्टिवलमा देशका विविध जातीयता र क्षेत्रीय भान्साका विभिन्न परिकारहरुको प्रदर्शनी गराइनेछ ।
१०० भन्दा बढी स्टलहरु राखिने एक्स्पोमा प्रत्येकदिन राष्ट्रिय तथा स्थानीयस्तरका कलाकारहरुको बेजोड प्रस्तुति समेत रहने कार्यक्रम संयोजक उमेश श्रेष्ठले जानकारी दिनुभयो ।
सांगीतिक कन्सर्ट हेर्नका लागि टिकट आवश्यक हुनेछ, जुन खल्ती एपमार्फत अग्रिम बिक्रीमा रु. ३०० मा उपलब्ध हुनेछ । भने कार्यक्रम स्थलमा काउन्टरबाट टिकट किन्नुपरेमा रु. ५०० लाग्नेछ। उल्लेखनीय कुरा के छ भने एक्स्पोमा कुनै पनि प्रवेश शुल्क लाग्ने छैन ।