गर्मिकाे समयमा पटक पटक लाइन काटेर जनतालाई दु:ख दिएकाे र तालिकाविहीन लाेडसेडिङ्गकाे कारण विधुतिय उपकरणहरूमा क्षति पुगेकाे भन्दै माडीका युवाहरूकाे अगुवाइमा नेपाल विद्युत प्राधिकरण चनाैलि वितरण केन्द्र अन्तर्गतकाे माडी प्रशाखामा आज (शुक्रबार) तालाबन्दी गरिएकाे छ ।
पछिल्लाे समय चनाैलि शाखा र माडी प्रशाखाबाट विभिन्न बहाना बनाई पटक पटक लाइन काटेर जनतालाई दु:ख दिएकाे र यस विषयमा ध्यानाकर्षण गराउँदा समेत कुनैपनि सुनुवाइको नभएकाे कारण नेपाल विद्युत प्राधिकरण माडी प्रशाखामा उक्त समस्या समाधान गर्न दबाबमुलक खबरदारी र तालाबन्दी गर्न बाध्य भएकाे माडी-३ बसन्तपुरका युवा रवि भुर्तेलले जनाउनुभयाे ।
यता चनाैलि वितरण केन्द्रले भने पछिल्लाे समय धेरै गर्मी भएको र अत्याधिक मात्रामा सिँचाइको लोड बढेको कारण बसेनी सब स्टेशन देखि चनौली सब स्टेसन सम्म आएको ३३ के. भि. सब प्रसारण लाईन ओभरलोड भई विद्युत आपूर्ति अनियमित हुने समस्या भएको भन्दै सूचना जारी गरि ग्राहक वर्गमा पर्न गएको असुविधा प्रति क्षमा यचना गरेकाे छ ।
#PRD820409