जेष्ठ नागरिक संघका अध्यक्ष रघु भण्डारीको अध्यक्षतामा भएको कार्यक्रममा भरतपुर महानगरपालिका १० का वडाध्यक्ष परमेश्वर खनालको प्रमुख आतिथ्यता रहेको थियो । उक्त कार्यक्रममा बोल्दै वडाध्यक्ष परमेश्वर खनालले जेष्ठ नागरिकको सम्मान र हक हित र अधिकार सुनिश्चित गर्न आँफु सधैं प्रतिबद्ध रहेको बताउनुभयो ।

साथै उहाँले देशको बाघडोर सम्हालेका नेताहरुले जेष्ठ नागरिकका समस्याहरुलाई समाधान गर्न नसकेको तर्क गर्दै छिटै उनीहरूको समस्या समाधान गर्न तर्फ ध्यान दुनुपर्ने बताउनु भयो ।

भरतपुर १० स्थित कालिका मन्दिरमा भएको उक्त कार्यक्रममा जेष्ठ नागरिकहरुको सुगर, प्रेसर, युरिक एसिड र थाइराइड जस्ता रोगहरुको निशुल्क उपचार गरिएको र शिबिरमा २०७ जना जेष्ठ नागरिकहरुले स्वास्थ्य लाभ लिएको जेष्ठ नागरिक समाजका सचिब यशोजन पौडेलले बताउनुभयो ।