नेकपा एमालेका उपमहासचिव प्रदीप ज्ञवालीले सहकारी पीडितका विषयमा केही व्यक्तिहरुले दिएको अभिव्यक्ति गैरजिम्मेवारी र हास्यास्पद भएको बताउनुभएको छ । लिएको ऋण तिर्नुपर्दैन भन्ने भास्यले देशको व्यवस्थाप्रति नै खतरा बढेको बताउनुभयो ।

आइतबार भरतपुरमा पत्रकारहरुसंगको संक्षिप्त कुराकानीमा ज्ञवालीले सहकारी पीडित हुनु भनेको सरकारको नियमक निकाय कमजोर हुँदाको परिणाम भएको तर्क गर्दै रकम हिनामिना गर्ने जोसुकै भएपनि कानुनको कठधरामा ल्याउनुपर्ने बताउनुभयो ।

सत्तामा बसेका सत्ताधारी दल र सत्ता बाहिर रहेका दलहरु समेत सरकारको कामप्रति सन्तुष्ट हुन नसकेको उदाहरण प्रस्तुत गर्दै ज्ञवालीले आफ्ना पार्टी अध्यक्ष ओलीले दिएको अभिव्यक्ति जाहेज रहेपनि तुरुन्त सरकार परिवर्तनको अबस्था नदेखिएको तर्क गर्नुभयो ।
#PRD801007