माडी नगरप्रमुख ताराकुमारी काजी महतोले माडीको बिकासका सवालमा तीनै तहका नेताहरु जिम्मेवारी बन्नुपर्ने बताउनुभएको छ । माडी ८ स्थित खरकट्टामा रहेको जनजीवन माध्यमिक बिद्यालयको ५७ औं वार्षिकोत्सवमा संवोधन गर्नुहुँदै मेयर महतोले यस्तो बताउनुभएको हो ।
पछिल्लो समय बिकासका सवालमा नेताहरू स्टन्टबाजी गर्ने तर काम नगर्ने प्रवृतीमा लागेको उल्लेख गर्दै मेयर महतोले काम गर्न असहज भएको बताउनुभयो । आजको बिज्ञानको युगमा आइपुग्दा समेत अझैपनि शिक्षा क्षेत्रमा सुधार हुन नसकेको उल्लेख गर्दै मेयर महतोले विद्यार्थीहरु कुलतको बाटोमा लागेको हुँदा तत्काल सुधारका लागि काम गर्नुपर्ने तर्क गर्नुभयो ।
त्यस्तै मेयर महतोले प्रस्तावित अयोध्याको बिकासको लागि विभिन्न तहका व्यक्तित्वहरुसंग छलफल भइरहेको र तत्काल मन्दिर निर्माणका संरचनाहरु बनाउन अभियान थालनी गर्न लागिएको उल्लेख गर्नुभयो । माडी क्षेत्र धार्मिक ऐतिहासिक स्थलका रूपमा मात्र नभई पर्यटन क्षेत्रका रूपमा समेत प्रचुर सम्भावना रहेको मेयर महतोले प्रष्ट पार्नुभयो ।