त्यस्तै उहाँले निकुञ्ज सडकका बारेमा कयौंपटक सरकारको ध्यानाकर्षण गराएको भएतापनि खासै उपलब्धि नभएको र नेताहरु काम गर्न भन्दापनि सरकार परिवर्तनमा उद्धत भएको बताउनुभयो ।

माडीलाई कृषि पर्यटनसंग जोडेर बिश्वसामु चिनाउनका लागि पहल भइरहेको उल्लेख गर्दै मेयर महतोले अझैपनि ४० प्रतिशत जनताले लालपुर्जा पाउन नसकेकोप्रति दुखेसो पोख्नुभयो । माडी नगरपालिकामा आफ्नो नेतृत्वमा काम भएको प्रतिक्रिया जनाउँदै मेयर महतोले बजेटहरु कार्यान्वयन भएर काम भइरहँदा समेत केही दलहरुले काम गरिएन भन्ने आरोप लगाउने गरेको बताउनुभयो ।

साथै उहाँले पछिल्लो समय चाडपर्व मनाउने नाममा देखिएका बिकृतीहरुलाई चिरेर धर्म संस्कृतिको जगेर्नामा लाग्नुपर्ने आजको अपरिहार्य आबश्यकता देखिएको औंल्याउदै मौलिक परम्पराको जगेर्नामा लाग्नुपर्नेमा जोड दिनुभयो ।