माडी नगरपालिकाले नगरक्षेत्र भित्र वित्तिय साक्षरतालाई प्रभावकारी बनाउन रणनितीक योजना बनाइ कार्यान्वयन गर्न पहल थालेको छ । माडी नगरपालिको सभाहलमा आज वुधबार एक कार्यक्रमका बिच वित्तिय साक्षरता रणनिति मस्याैदा माथि छलफल गरि सरोकारवालाबाट पृष्टपोषण(Feedback) संकलन समेत गरिएको छ । 
वित्तीय साक्षरताले आम्दानी, खर्च, कर्जा, कर योजना, बिमा, बचत तथा लगानी जस्ता वित्तीय क्षेत्रका महत्वपूर्ण विषयहरू बुझी उचित निर्णय गर्न सक्ने क्षमतालाई जनाउँछ ।
यसले सदस्यको फजुल खर्च गर्ने बानीमा सुधार गरि निक्षेप संकलनमा वृद्धि हनेछ । त्यस्तै समाजमा उद्यमशील संस्कृतीको विकास गरि व्यवसायिक क्रियाकलापहरूलाई दिगो, सबल एवं प्रतिस्पर्धी बनाउँन महत्वपूर्ण भुमिका निर्वाह गर्दछ ।
माडी नगरपालिकाभित्र सञ्चालनमा रहेका शैक्षीक संस्थाहरु, बैंक तथा वित्तिय संस्थाहरु, सहकारी, लघुवित्त, गैर सरकारी संस्था, टोल विकास समिति, रिटर्नी तथा अन्य सञ्जालहरु, नागरिक समाज, उपभोक्ता समिति, प्रहरी, सञ्चार माध्यम लगायत विभिन्न सरोकारवाला निकायको माध्यमबाट वित्तिय साक्षरता प्रदान कार्यलाई कसरी प्रभावकारी बनाउने भन्ने विषयमा अन्तरक्रिया गरिएको हो ।
त्यस्तै, वित्तिय साक्षरताको लक्ष्य, कार्यनिति र मस्यौदामाथि हेरफेर लगायतको विषयमा सरोकारवाला निकायबिच पृष्टपाेषण संकलन गरिएकाे हो ।
माडी नगरपालिकाको नगरप्रमुख ताराकुमारी काजी महतोको अध्यक्षतामा सम्पन्न कार्यक्रममा माडीका अधिकांश वडाका वडाध्यक्षहरु, कृषि बिकास बैंक माडी शाखाका प्रबन्धक विकास भट्टराइ, सोमेश्वर माध्यामिक विधालयको प्र.अ. इन्दिरा तिवारी, होमस्टे महासंघ प्रतिनिधि श्री प्रसाद दवाडी, सञ्चारकर्मी लगायतको उपस्थिती रहेको थियो ।