माडीबासिकाे मुख्य समस्याकाे रूपमा रहेकाे चितवन राष्ट्रिय निकुञ्ज भित्रको सडकखण्ड, बफरजाेन (मध्यवर्ती) क्षेत्र र हुलाकि राजमार्गकाे विषयलाई कार्यान्वयन गर्न दबाब स्वरूप सर्वदलिय रायसुझाव सहित विभिन्न चरणका दबाबामुलक कार्यक्रम सञ्चालन हुने भएकाे छ ।

समृद्दिका लागि युवा अभियान माडीकाे आव्हानमा आज (विहीबार) दिउसाे माडीकाे बसन्तपुर स्थित माडी-३ वडा कार्यालयकाे सभाहलमा भएकाे छलफल  कार्यक्रममा चरणात्मक दबाबमुलक कार्यक्रम गर्ने निर्णय भएकाे हाे । जस अन्तरगत यहि चैत्र २७ गते जिल्ला प्रशासन कार्यालयमा उल्लेख्य जनसहभागिता   सहित ज्ञापन पत्र बुझाउने त्यस्तै संघिय सांसद, प्रदेश सांसद, माडीकाे नगरप्रमुख, उपप्रमुख सहित जनप्रतिनिधिहरूसंग समन्वय गरि थप कार्यक्रम तय गर्ने र केन्द्र सरकारलाई दबाब दिन काठमाडौं केन्द्रित आन्दाेलन गर्नेसम्मका कार्यक्रमहरू तय गरिएकाे अभियन्ता रामचन्द्र लम्सालले जनाउनुभयाे ।

कार्यक्रममा उपस्थित युवा अगुवा एवं जनमानसबाट चक्का जाम सहित आम माडीबासि सडकमा उत्रिनुकाे   बिकल्प नरहेकाेले भरतपुरकाे आँपटारीमा राजमार्ग अवरूद्द हुनेगरि धर्ना दिनुपर्ने समेत सुझाव आएकाे थियाे ।

समृद्दिका लागि युवा अभियानले बफरजाेन एरियाको पुन:सिमाङ्कन निर्धारण गर्ने, निकुञ्ज भित्रको बाटो धुलोरहित बनाई २४ सै घण्टा आवतजावत  गर्ने र हुलाकी राजमार्गलाई ठोरी – हनुमानझुला हुँदै कुसुमखोला – बगई  र बनकट्टा धुर्वघाट देखि घोसरघाट हुँदै नवलपुर जोड्ने विषयमा सर्बपक्षिय छलफल गरि थप दबाबमुलक कार्यक्रम अघि बढाउने लम्सालले बताउनुभयाे । #PRD801222