माडीमा साेमबार रातीबाट अवरूद्द बिजुलि आज विहिबार राती सम्मपनि सुचारू हुन नसक्दा जनजिवन प्रभावित भएकाे छ ।
चितवन राष्ट्रिय निकुञ्जभित्र बिछ्याइएको भूमिगत केबुलमा भएकाे विभिन्न ठाउँका फल्ट पत्ता लगाई मर्मत कार्य गरेपनि अन्य ठाउँमा समेत फल्ट देखिएकाे हाे । नेपाल विद्युत प्राधिकरणकाे टाेलि विहानैदेखि अबेर साँझसम्म प्रयासरत रहेपनि आज साँझ पनि विधुत सुचारू हुन नसकेकाे हाे ।
चितवन राष्ट्रिय निकुञ्ज भित्र रातकाे समयमा काम गर्न निकुञ्जका जनावरहरूकाे खतरा रहने भएकाेले निकुञ्ज प्रशासनले विहान देखि साँझसम्म मात्रै काम गर्न अनुमति दिने गर्दछ ।
यसैबिच, तीन दिनदेखि विधुत अवरूद्द भएसंगै माडीमा वैकल्पिक उर्जाका प्रयाेगकर्ताहरू बढेका छन् । माडीकाे बसन्तपुर, बरूवा, देबेन्द्रपुर लगायतका मुख्य बजारहरूमा साैर्य उर्जाबाट चल्ने चार्जर, कन्भर्टर, टर्च लाइट, साेलार प्यानल लगायतका सामानहरू खरिद गर्न माेबाइल तथा इलेक्ट्रोनिक्स पसलहरूमा खरिदकर्ताहरू आकर्षित भएका छन् ।
#PRD810106